1 Piita 4:11 - Di Jamiekan Nyuu Testiment

¹¹ So ef Gad mek non a unu fi priich — unu fi priich laik se a Gad wod itself unu a taak. Aal a uu fi sorv, fi sorv wid di chrent an powa we Gad gi unu. Da wie de Gad wi get di priez iina evriting wi du siek-a Jiizas Krais. Aal a di ana, priez an powa a fi Gad, tide, tumaro an fi eva! Iemen.

1 Piita 4:11 ပူးပေါင်းရင်းမြစ်များ

Matyu 6:13

An no mek wi fies notn we wi kaaz wi fi sin, bot protek wi fram di wikid wan.’

Jan 13:31

Afta wen Juudas lef go we, Jiizas se, “Gad gweehn shuo ou di Man we im Pik big an powaful, an Gad gweehn yuuz im fi shuo ou im Gad big an powaful.

Aks 7:38

Da siem Muoziz ya did de de wid di Izrel piipl we did gyada op iina di dezot. Im did de de wid wi faada faada dem an wid di ienjel we did taak tu im pan Mount Sainai. An a im did get Gad wod, di Wod we laas fi eva, an a im kyari it kom gi wi.

Ruoman 11:36

Kaaz a Gad mek evriting! A im kaaz evriting fi liv an evriting mek fi sorv im. Gad fi get priez fi eva an eva! Iemen!

Ruoman 12:3

Kaaz a di gif we Gad gi mi, mi a tel unu: No bada tingk se unu muor dan wa unu riili bi. Insted-a dat unu fi ombl unuself an joj unuself bies pan di fiet we Gad gi unu.

Ruoman 16:27

Gad a di onggl riil Gad, notn an nobadi no waiz laik im. So siek-a wa Jiizas Krais du fi wi, mek wi priez Gad fi eva an eva. Iemen!

Ruoman 3:2

An mi wuda tel dem se it gud fi bi wan Juu, a nof difrant sitn wi get, we elp wi iina nof difrant wie. Fos, a wi Gad did gi im Wod tu — a wi im chos wid im mesij.

1 Korintiyan 10:31

Wel, di chuut a weda yu a iit fuud ar jringk jringks — evriting we yu du, yu fi du it iina wan wie we wi kaaz piipl fi priez Gad.

1 Korintiyan 12:4

A nof difrant sitn di Uoli Spirit mek wi kyan du bot wi fi memba se a di siem Spirit mek wi kyan du aal a dem.

1 Korintiyan 3:10

Mek mi put it wan neda wie. Gad gud an kain tu mi, so im mek mi wan a im ed bilda dem. A mi go iin go bil di foundieshan we sumadi els a-go bil pan. Nou aal a wi afi wach ou wi a bil.

1 Korintiyan 6:20

Gad pie nof fi unu wen im sen im Bwai Pikni fi ded fi unu. So tek kier a unu badi an liv rait so dat piipl wi nuo se unu bilang tu Gad.

2 Korintiyan 2:17

Wi no komiin laik nof ada piipl we chriit Gad wod laik a sopm chiip we dem kyan sel an mek moni. Nuo! Gad sen wi fi tiich im Wod an chuu wi a Jiizas sorvant dem wi aalwiez tiich di chuut laik se Gad did tan op rait infronta wi.

2 Korintiyan 9:13

Siek-a wa unu a du, dem wi priez Gad kaaz unu biliiv an fala di Gud Nyuuz bout Krais Jiizas an kaaz unu shier wa unu av wid dem an ada piipl tu.

Ifiijan 1:19

Pan tap a dat, mi prie se unu wi andastan se notn kyaahn mach fi im powa we a wok fi di piipl we chos iina im. Da powa de a di siem chrang chrang powa

Ifiijan 4:29

Unu fi tap chat doti chat. Taak gud sitn aal di taim. Da wie de, di sitn dem we unu se wi bil op di piipl dem we niid fi get bil op. An enibadi we ier we unu se wi nuo ou Gad lov dem iivn duo dem no dizorv it.

Ifiijan 5:20

Unu fi gi tangks tu Faada Gad aal di taim fi evriting. Unu fi gi im tangks siek-a wa di Laad Jiizas du fi unu.

Ifiijan 6:10

Dis a di laas sitn we mi a se: unu an di Laad kluos, so mek im powa mek unu chrang.

Filipiyan 1:11

an dat evriting we unu du wi gud fi chuu — a onggl Krais Jiizas kyan mek unu du dem sitn de. Mi a prie fi aal a dat so dat Faada Gad wi get nof rispek an priez.

Filipiyan 2:11

an so dat evribadi wi afi go taak wid dem uona mout mek piipl ier, se, “Jiizas Krais a fi dem Laad.” An wen dem se dat, Faada Gad wi get big op an nof rispek.

Koloshan 4:6

Taak tu piipl nais, an mek dem waahn fi iina wa unu a se jos siek-a ou unu taak. Siizn op unu aagiment wid saalt, so dem waahn fi ier muo an muo bout wa unu a se. An unu fi nuo ou fi ansa evribadi tu.

1 Tesaluoniyan 2:4

Insted-a dem sitn de, wa wi did du? Wi taak laik man we Gad tes an tingk gud inof fi sen wid di mesij bout Jiizas. Wi naa chrai fi mek nobadi laik wi, wi onggl waahn du wa Gad waahn wi fi du kaaz a im a si wi aat.

1 Timoti 1:17

So rispek an priez tu di King we a-go bi king fi eva, di onggl Gad, di wan we kyan neva ded an we wi kyaahn si wid wi yai dem, priez tu im fi eva an eva, Iemen!

1 Timoti 6:16

A Gad wan kyan liv fi eva an no ded. Im liv iina wan brait brait lait, it so brait no man kyaahn luk pan im ar kom nier im. A dat mek nobadi neva si im ar kyan si im. Ana an powa tu Gad fi eva! Iemen!

Taitos 2:1

Taitos, yu afi tiich wa rait; yu afi tiich di chuut.

Taitos 2:15

Mek shuor se yu tel evribadi dem sitn ya. Yuuz di powa we Gad gi yu fi push di piipl dem fi fala di chuut an fi karek dem. An no mek nobadi put yu dong ar se yu a wan bad tiicha an no pie yu no main.

Iibruu 13:7

Memba unu liida dem we tel unu bout Gad wod. Tingk bout wa did apm siek-a ou dem liv dem laif, an chos iina Gad jos laik dem.

Iibruu 5:12

Kaaz wen unu shudaana tiich ya nou, unu niid sumadi fi tiich unu uova di fos sitn dem we Gad se. Unu ton piipl we niid milk; unu kyaahn nyam aad fuud!

Jiemz 1:19

Mi breda an sista, ier wa mi a se, unu mos kwik fi ier an sluo fi taak ar get beks.

Jiemz 1:26

Ef nobadi tingk se im a sorv Gad di rait wie, bot im kyaahn kanchuol im tong, im jos a fuul imself, an we im se im a du fi Gad no wot notn.

1 Piita 2:12

Unu mos liv gud an liv rait mongks di piipl dem we no biliiv iina Jiizas, so iivn duo rait ya nou dem a se aal kain-a bad sitn bout unu, an a se a bier wikidnis unu du, dem wi si se a gud sitn unu a du an priez Gad wen im kom baka ort kom big op uu fi get big op an ponish uu fi get ponish.

1 Piita 2:5

So unu fi kom tu di Laad laik stuon we a liv tu. An mek Gad Spirit yuuz unu fi bil op Gad ous. Iina da ous de unu a-go bi wan gruup a priis fi Gad — an fi Gad wan. An unu a-go bon sakrifais we Gad Spirit se unu fi bon, an im wi tek da sakrifais de siek-a wa Jiizas Krais du.

1 Piita 4:10

Gad gi unu difrant difrant gif. Evri wan a unu fi yuuz wat-eva gif Gad gi unu, an yuuz it gud. Yuuz it elp ada piipl.

1 Piita 4:16

Nuo, a no so it fi go. Bot ef unu sofa chuu unu a piipl we biliiv iina Jiizas — a no notn dat fi shiem bout. Insted-a dat, unu fi priez Gad kaaz a big ting dat wen piipl a kaal unu Krais Jiizas falara.

1 Piita 5:11

A Gad fi get aal a di powa, tide, tumaro an fi eva! Iemen.

Juud 1:25

Im a di onggl Gad. Im siev wi wen im sen Jiizas Krais wi Laad fi ded fi wi. Big im op an worship im. A im av aal powa an di rait fi ruul iina evri wie an uova evribadi, bifuo taim did staat, rait ya nou, an fi eva an eva. Iemen!