1 Piita 4:1 - Di Jamiekan Nyuu Testiment

¹ Sins Krais Jiizas sofa wen im did a waak pan da ort ya, a siem wie unu fi get unu main redi fi sofa tu. Kaaz enibadi we staat sofa so, a ton dem ton dem bak pan sin.

1 Piita 4:1 ပူးပေါင်းရင်းမြစ်များ

Maak 3:3

So Jiizas se tu di man wid di kripl an se, “Tan op infronta evribadi.”

Ruoman 6:11

A siem so unu mos luk pan unuself, wen it kom tu sin, a laik unu ded, sin naa no powa uova unu. An kaaz unu an Krais Jiizas a wan, di laif unu a liv nou, unu a liv fi sorv Gad.

Ruoman 6:2

Nuo sa, notn kyaahn go so! Wen it kom tu sin, a laik a ded wi ded, sin naa no powa uova wi. So ou wi, wi we sin naa no powa uova, ou wi fi a stil liv iina sin?

Ruoman 6:7

Kaaz wen sumadi ded, dem frii; sin kyaahn kanchuol dem no muor.

Gyalieshan 2:20

An a no mi a liv no muor bot a Krais Jiizas a liv iina mi. Nou mi liv kaaz mi chos iina Gad Bwai Pikni — di wan we lov mi an we ded fi mi.

Gyalieshan 5:24

Di piipl dem we bilang tu Jiizas Krais no mek dem badi ruul dem. Dem no du di wikid sitn dem we dem badi wel waahn du, dem tap dem sitn de. It komiin laik se dem niel dem op pan di kraas an kil dem.

Ifiijan 6:13

So unu fi put aan aal a unu aami kluoz dem we Gad gi unu fi protek unuself. Da wie de, enitaim di devl kom chrai fi wok im chrik pan unu, unu wi kyan tan op chrang gens im. Unu wi fait im til im no av no fait lef iina im. An wen unu don fait im, unu wi stil tan op chrang.

Filipiyan 2:5

Unu si siem laik ou Krais Jiizas tan, a siem so unu fi tan tu, an unu fi tingk jos laik ou im tingk:

Iibruu 12:3

Unu fi luk pan Jiizas, luk ou di wikid sina dem chriit im wel bad, bot im uol aan an pres chuu siem wie. Unu fi tingk bout dat so unu no get taiyad an waahn gi op.

Iibruu 4:10

Kaaz di wan we get fi res ou Gad mek piipl res, im did res tu an no du no wok, jos laik ou Gad did res wen im did don fi im wok.

1 Piita 2:21

A dis Gad kaal unu fi du yu no. Krais Jiizas imself sofa fi unu, an shuo unu ou fi bier di sofarieshan. Unu fi du laik im; fala iina im fut step dem.

1 Piita 3:18

Kaaz Krais Jiizas sofa an ded fi di uol a wi sin wans an faraal. Wan man we du onggl wa rait, ded fi aal a uu a sina, fi bring wi tu Gad. Dem kil di badi, bot Gad mek im liv agen iina di Spirit.