1 Piita 3:5 - Di Jamiekan Nyuu Testiment

⁵ Di uman dem iina di paas, we did a liv fi Gad an we did chos im fi du aal we im se im a-go du — a so dem yuus tu mek demself luk gud. Dem lisn dem ozban an du wa dem ozban tel dem fi du.

1 Piita 3:5 ပူးပေါင်းရင်းမြစ်များ

Luuk 2:37

An shi neva av no ada ozban aal wen shi ieti fuo. Maanin, nuun an nait, shi spen taim iina Gad ous, a faas an a prie.

Aks 1:14

Di uol a dem did eva a miit tugeda fi prie: dem, di uman dem, Mieri, Jiizas mada, an Jiizas breda dem.

Aks 9:36

Nou yu did av wan uman we biliiv iina Jiizas we liv a Japa. Shi did niem Tabita, bot iina Griik shi niem Daakas. Shi did eva a du gud an a elp puo piipl.

Ifiijan 5:33

Bot rait nou stil, mi a tel di ozban dem se dem fi lov dem waif jos laik ou dem lov demself. An di waif dem fi rispek dem ozban.

1 Timoti 2:10

Wa dem fi du a jres op demself wid di gud sitn dem we dem du fi ada piipl. A dat uman we a fala Gad fi du.

1 Timoti 2:15

Bot Gad gweehn siev di uman chuu ar pikni. Im gweehn siev di uman dem ef dem gwaan biliiv iina im, shuo lov an liv ou im waahn dem fi liv.

1 Timoti 5:10

Ef shi a-go go pan di lis, piipl mos nuo ar fi di gud sitn dem we shi du. Dem mos nuo ar kaaz shi bring op ar pikni dem gud, aalwiez uopm op ar yaad tu piipl an shi wash di fut a di biliiva dem. Dem mos nuo ar kaaz shi elp enibadi we niid elp an kaaz shi du aal kain-a gud sitn.

1 Timoti 5:5

A di uman we ozban ded an we no av no fambili, a di wan di choch mos elp. Shi a di wan we chos iina Gad wid aal ar aat, prie nait an die, an aks Gad fi elp ar.

Iibruu 11:11

Aal wen Siera neehn av no pikni, an did paas di taim fi av biebi, an Iebriyam did tuu oul fi gi ar non, im chos se Gad wuda kip im pramis an so Gad mek Iebriyam kuda gi ar biebi.

1 Piita 1:3

Tangks an priez tu di Gad an Faada a wi Laad Jiizas Krais. Im so gud an kain tu wi, im gi wi nyuu laif wen im mek Jiizas Krais ded an kom bak alaiv. Da wie de, wi nuo fi shuor se wi kyan get wa im pramis wi.