1 Piita 3:13 - Di Jamiekan Nyuu Testiment

¹³ Uu a-go du unu notn ef unu wel waahn du wa gud? Iihn?

1 Piita 3:13 ပူးပေါင်းရင်းမြစ်များ

Ruoman 13:3

Di piipl we du wa rait, dem no afi fried a di piipl we a ruul uova dem. A jos di piipl dem we a du we rang fi fried. So, ef unu no waahn fi fried a di piipl we a ruul uova unu, jos du wa rait an wen unu du dat dem wi big unu op.

Ruoman 8:28

Wi nuo se aal di piipl we lov Gad an we Gad kaal fi tek paat iina im plan, wi nuo se Gad wok wid dem fi mek shuor se no mata wa apm, evriting wok out fi fi dem gud.

1 Korintiyan 14:1

So muo dan eniting els, unu fi waahn fi lov ada piipl, bot unu fi wel waahn di gif dem we di Uoli Spirit gi tu. An di gif we unu fi waahn di muos a di wan we lou unu fi kyari mesij chriet fram Gad.

Ifiijan 5:1

So den, sins unu a Gad pikni an im lov unu, unu fi chrai fi tan jos laik im.

1 Tesaluoniyan 5:15

Mek shuor se nobadi no chriit sumadi bad kaaz dat de sumadi did chriit dem bad, bot unu fi aalwiez chrai fi diil wid unu wan aneda gud, an diil wid ada piipl gud tu.

1 Timoti 5:10

Ef shi a-go go pan di lis, piipl mos nuo ar fi di gud sitn dem we shi du. Dem mos nuo ar kaaz shi bring op ar pikni dem gud, aalwiez uopm op ar yaad tu piipl an shi wash di fut a di biliiva dem. Dem mos nuo ar kaaz shi elp enibadi we niid elp an kaaz shi du aal kain-a gud sitn.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

3 Jan 1:11

Mi breda, no fala bad kompni. Enibadi we du wa rait kom fram Gad. Enibadi we lov du we rang no nuo Gad.