1 Piita 3:1 - Di Jamiekan Nyuu Testiment

¹ A siem so aal a unu waif mos lisn unu ozban an du wa dem se unu fi du. Da wie de ef dem no biliiv iina Gad wod dem wi staat biliiv jos siek-a ou unu a gwaan. Unu wudn iivn afi se a ting tu dem.

1 Piita 3:1 ပူးပေါင်းရင်းမြစ်များ

Matyu 18:15

“Nou, ef wan a unu breda ar sista du unu notn, go wan said, an mek dem nuo wa dem du rang. Ef dem lisn, den tingz gaan bak gud agen wid unu an dem.

Ruoman 10:16

Bot a no evribadi did biliiv an fala wa di Gud Nyuuz se. Laik Aizaiya did se “Laad, mi priich yu mesij, bot uu biliiv it?”

Ruoman 6:17

Bot tangk Gad, iivn duo unu a did sin sliev, unu fala wid aal a unu aat, aal a di chuu sitn dem we mi did tiich unu.

Ruoman 7:2

Mek mi shuo unu wa mi miin. Di Laa se ef wan uman marid, az lang az ar ozban stil alaiv shi afi tan wid im. Bot ef ar ozban ded, di Laa se shi frii.

1 Korintiyan 11:3

Bot mi waahn unu fi andastan se Krais, im a di ed fi evri man, evri ozban a di ed fi im waif, an Gad a di ed fi Krais.

1 Korintiyan 14:34

Di uman dem no fi taak wen choch a kip, an dem no fi inchaaj niida, a so di Laa se.

1 Korintiyan 7:16

Aal a unu we a waif an av ozban we no biliiv, ou unu nuo se unu naa go siev unu ozban? An aal a unu we a ozban an we av wan waif we no biliiv, ou unu nuo se unu naa go siev unu waif?

Ifiijan 5:33

Bot rait nou stil, mi a tel di ozban dem se dem fi lov dem waif jos laik ou dem lov demself. An di waif dem fi rispek dem ozban.

Koloshan 3:18

Aal unu we a waif, unu fi lisn unu ozban, rispek im an nuo se a im inchaaj, kaaz a dat di Laad waahn unu fi du.

Koloshan 4:5

Unu fi gwaan laik se unu av sens wen unu roun piipl we a no Krais Jiizas falara. No wies no taim, evri chaans unu get unu fi du dat.

2 Tesaluoniyan 1:8

wid wan faiya we a bliez. Im a-go bring dong jojment pan aal a uu no nuo Gad an dem de we no fala di Gud Nyuuz bout wi Laad Jiizas.

Iibruu 11:8

Kaaz Iebriyam chos iina Gad, wen Gad kaal im, im lisn. An so im go a wan plies we im did bout fi get fram Gad, im go de iivn duo im neehn nuo a wich paat im did a go.

Iibruu 5:9

An nou dat im go chuu aal a dat, an kom ton aal a we im sopuoz fi bi, im en op ton di wan we siev piipl fi eva, so langks dem du wa im tel dem fi du.

1 Piita 1:22

Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

1 Piita 3:2

Kaaz dem wi si ou unu rispek dem an si se unu riili a liv fi Gad.

1 Piita 3:7

A siem so di ozban dem fi liv gud wid dem waif an tingk bout dem siem laik ou Gad si dem. Unu nuo aredi se dem no chrang laka unu an dem kyaahn go du aal a wa unu kyan du. So andastan dat an rispek dem, kaaz di siem speshal laif we Gad so gud an kain fi gi unu, im gi dem tu. So mek shuor se unu chriit dem rait so unu kyan prie ou unu sopuoz fi prie.

1 Piita 4:17

Kaaz jojment taim kom ya nou; an wi we a Gad piipl, a wi it a staat wid fos. So, a wa a-go apm tu aal a di piipl dem we no biliiv Gad Gud Nyuuz?