1 Piita 2:20 - Di Jamiekan Nyuu Testiment

²⁰ So unu get wan biitn an unu bier it kaaz unu du sitn rang. Wa big iina dat? Bot ef unu sofa siek-a sopm gud wa unu du, an unu bier di sofarieshan, nou a dat Gad a-go bles.

1 Piita 2:20 ပူးပေါင်းရင်းမြစ်များ

Matyu 26:67

Den dem pit iina im fies an tomp im op. An som a dem slap im op

Matyu 5:47

An ef unu onggl tel fu'unu piipl dem oudi, a wa unu wuda du so we nobadi els no du? Iihn? Dong tu di rang-duwa du dat tu, no chuu?

Maak 14:65

Den som a dem staat pit pan im, som tai piis a klaat uova im yai so im kudn si an staat tomp im op wid dem fis an a se tu im se, “Yu se yu a wan prafit, so tel wi uu lik yu.” An di suoja dem we did a gyaad im biit im op tu.

Luuk 6:32

“Ef unu lov onggl di piipl dem we lov unu, wa big iina dat? Iivn di rang-duwa dem lov piipl we lov dem.

1 Korintiyan 4:11

Aal nou wi onggri an wi chuot jrai. Fi wi kluoz komiin laik piis a uol tier op klaat, piipl chriit wi bad bad an wi no av no we fi liv.

Gyalieshan 4:18

It gud fi fala sitn wid aal a yu aat yu nuo, bot onggl ef wa yu a fala a sopm gud an yu a du it fi di rait riizn. A dat unu fi du aal di taim, no jos wen mi de de wid unu.

Ifiijan 5:10

Chrai fain out we di Laad riili waahn unu fi du.

Filipiyan 4:18

Mi get aal a di sitn dem we unu sen. An nou, mi av muor dan we mi niid. So, mi gud nou, kaaz Epafrodaitos gi mi evriting we unu sen kom. Aal a we unu sen kom, komiin laik di swiit sumel we kom fram sakrifais we Gad lov. An Gad api wid dat.

1 Piita 2:19

kaaz Gad api wid di piipl dem we du dat. An im a-go bles enibadi we put op wid di sofarieshan, iivn duo dem no dizorv it bot put op wid it siem wie kaaz dem nuo se a dat Gad waahn dem fi du.

1 Piita 3:14

Bot aal ef dem mek unu sofa kaaz unu a du wa rait — a bles unu bles! No fried a notn, an no wori unuself.

1 Piita 3:17

Ef unu du sitn gud an sofa — ef a so Gad se it fi go — unu betaraaf dan ef unu du sitn we rang an go sofa.