1 Piita 2:17 - Di Jamiekan Nyuu Testiment

¹⁷ Rispek evribadi. Unu fi lov di ada piipl dem we biliiv iina Gad tu. Unu fi andastan ou big Gad bi an gi im di muos rispek. An unu fi rispek di king tu.

1 Piita 2:17 ပူးပေါင်းရင်းမြစ်များ

Matyu 22:21

Dem ansa bak, “Siiza.” So Jiizas se tu dem se, “Den gi Siiza wa a fi'im, an gi Gad wa a fi'im.”

Jan 13:35

Wen unu lov unu wan aneda, a so piipl gweehn nuo se unu a fi mi falara.”

Ruoman 12:10

Lov unu wan aneda laik breda an sista an unu fi aalwiez put unu breda an sista bifuo unuself.

Ruoman 13:7

Unu mos pie piipl wa unu uo dem: Ef unu av taks fi pie, pie di uol a dem; ef piipl fi get rispek, rispek dem an ef a big dem fi get big op, den big dem op.

2 Korintiyan 7:1

Mi gud gud fren, sins Gad mek dem pramis ya tu wi, mek wi stie faar fram sin an kip wi badi an wi spirit kliin. Mek wi rispek Gad an gi im evri paat a wi. Mek wi chrai fi bi muor laik im.

Ifiijan 5:21

Kaaz unu av nof rispek fi di Laad Jiizas, unu fi ombl unuself an lisn tu unu wan aneda.

Filipiyan 2:3

So no du notn jos so unu kyan get wa unu waahn. An no shuo aaf fi chrai mek piipl tingk unu impuotant ar beta dan nobadi. Wa unu fi du a ombl unuself an chriit wan aneda beta dan ou unu wuda chriit unuself.

1 Timoti 6:1

Aal uu a sliev, mos nuo se dem maasta fi get rispek so nobadi kyan taak bad bout Gad ar bout wa wi tiich.

Iibruu 13:1

Unu mos gwaan lov di breda an sista dem we biliiv iina Gad jos laik unu.

1 Piita 1:22

Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

1 Piita 2:13

Siek-a wa di Laad du, mek shuor se unu lisn di piipl dem we ruul uova unu an du wa dem se unu fi du, weda di king we a di ed,

1 Piita 5:5

Nou fi di wan dem we yongga dan di elda dem, a siem so unu fi lisn di elda dem an du wa dem se unu fi du. Evribadi we de iina di choch, unu fi ombl unuself an elp unu wan aneda, kaaz unu si iina Gad wod se, “Gad fait gens enibadi we buosi, bot im bles di wan dem we ombl demself.”