1 Piita 1:22 - Di Jamiekan Nyuu Testiment

²² Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

1 Piita 1:22 ပူးပေါင်းရင်းမြစ်များ

Jan 15:17

A da sopm ya mi a tel unu fi du: lov unu wan aneda.

Jan 15:3

Unu get chrim op aredi, an a di sitn dem we mi tel unu mek dat apm.

Jan 17:17

Yuuz di chuut mek dem liv fi yu. Fi yu mesij a di chuut.

Jan 17:19

A siek-a dem mek mi gi op miself fi sorv yu. Mi dwi'it so dem mait-a riili riili gi op demself fi sorv yu tu.

Aks 15:9

Gad shuo se wi no difrant fram dem. Im paadn dem fi dem sin kaaz dem biliiv iina im.

Aks 6:7

Gad mesij bout Jiizas pred muo an muo, an muo an muo piipl biliiv iina Jiizas an wan uol iip a di priis dem biliiv di Gud Nyuuz tu.

Ruoman 1:5

Gad kaaz Jiizas fi gud an kain tu mi an fi mek mi wan a im apasl dem, iivn duo mi neva dizorv it. Im mek mi wan apasl so dat mi kuda sorv Jiizas Krais an elp di piipl dem we a no Juu fi biliiv iina im an fala aal a wa im se.

Ruoman 2:8

Bot yu av som ada piipl we onggl bizniz bout demself — dem no du notn fi elp ada piipl. Dem mek op dem main se dem naa du wa rait — dem onggl a-go du we Gad se rang. Dem piipl de Gad a-go shuo dem se im beks wid dem, im a-go ponish dem aad aad.

Ruoman 8:13

(Ef yu liv ou yu badi wuda waahn yu fi liv, yu mos ded.) Bot ef yu mek di Spirit elp yu, yu kyan tap du di sitn dem we yu badi waahn yu fi du, an den yu wi liv.

2 Korintiyan 6:6

Wi shuo se wi a Gad sorvant wen wi kip wiself kliin. Gad mek wi andastan im mesij an mek wi nuo ou im waahn wi fi liv. Wi shuo se wi a Gad sorvant wen wi kain tu piipl, an tek taim wid dem an no kwik fi get beks ar grombl grombl. Wi mek di Uoli Spirit elp wi fi du wi wok, wi no du it pan wi uon. Wi shuo se wi a Gad sorvant wen wi shuo piipl lov, no mata uu dem bi ar we dem du, wi aalwiez shuo dem lov.

Gyalieshan 3:1

Unu fuul-fuul Gyalieshan unu! A uu guzum unu? Mi tel unu klier klier tu unu fies ou Jiizas did ded pan di kraas.

Gyalieshan 5:5

Bot yu si wi, di wan dem we a chos iina Jiizas Krais, di Uoli Spirit mek wi nuo fi shuor se wi a-go get aal a wa Gad pramis fi gi wi. So wi kyan wiet an luk fi aal we Gad pramis fi gi wi kaaz Gad mek tingz rait bitwiin wi an im aredi.

Gyalieshan 5:7

Unu did a ron so aad an a gwaan so gud! A uu kaaz unu fi tap fala an biliiv iina di chuut?

Ifiijan 4:3

Di Uoli Spirit mek di uol a unu ton wan. So du unu bes an mek shuor se unu liv gud wid unu wan aneda.

Filipiyan 1:9

So mi riili a prie se unu wi lov unu wan aneda muor an muor, so unu kyan nuo an andastan

1 Tesaluoniyan 3:12

An wi prie se di Laad Jiizas wi elp unu fi lov unu wan aneda muo an muo an ada piipl tu, so unu wi lov piipl di siem wie ou wi lov unu.

2 Tesaluoniyan 1:3

Breda an sista, wi fi gi Gad tangks fi unu aal di wail — an dat a di rait ting tu. Wi fi gi tangks, kaaz unu a chos iina Gad muo an muo an a lov unu wan aneda muo an muo tu.

2 Tesaluoniyan 2:13

Bot breda an sista, wi afi gi Gad tangks fi unu aal di wail. Di Laad lov unu an so im pik unu an kaal unu fi get siev fram iivn bifuo im mek di worl. Di Spirit kliin unu op fi Gad, an unu biliiv iina di chuut tu, so unu get siev.

1 Timoti 1:3

Wen mi did a go Masiduoniya, mi beg yu fi tan a Efisos so yu kyan waan di piipl dem we naa tiich Gad wod fi tap pred faalz wod.

1 Timoti 1:5

Mi tel yu fi du dis so di piipl dem kyan lov dem wan aneda wid di kain-a lov we kom fram wan gud aat, we nuo rait fram rang. Wen dem lov dem wan aneda so, dem a ak laik piipl we riili bilang tu Gad.

1 Timoti 4:12

No mek nobadi put yu dong kaaz yu yong. Mek shuor yu liv rait so piipl kyan fala yu: lov piipl, chos iina Gad an liv wan kliin laif an no sin.

1 Timoti 5:2

Di uol uman dem, yu fi taak tu dem laik ou yu wuda taak tu yu mada an di yongga uman dem taak tu dem laik dem a yu sista. Du dis wid wan kliin aat.

2 Timoti 1:14

Gyaad di sitn dem we Gad gi yu fi tiich. Gyaad dem wid di elp a di Uoli Spirit we liv iina yu.

Iibruu 11:8

Kaaz Iebriyam chos iina Gad, wen Gad kaal im, im lisn. An so im go a wan plies we im did bout fi get fram Gad, im go de iivn duo im neehn nuo a wich paat im did a go.

Iibruu 13:1

Unu mos gwaan lov di breda an sista dem we biliiv iina Gad jos laik unu.

Iibruu 5:9

An nou dat im go chuu aal a dat, an kom ton aal a we im sopuoz fi bi, im en op ton di wan we siev piipl fi eva, so langks dem du wa im tel dem fi du.

Iibruu 6:10

Gad fier yu nuo. Im naa go figet wa unu du. Im naa figet ou unu shuo umoch unu lov im wen unu elp di breda an sista dem we biliiv iina Gad, an ou unu stil a elp dem.

Iibruu 9:14

den tingk bout umoch muo Krais Jiizas blod a-go du fi wi! Siek-a di Spirit we liv fi eva, im kuda gi op imself, an im naa no sin at aal. So fi im blod frii wi kanchens fram di sitn dem we wi du uova an uova fi worship, bot we riili naa no yuus an we boun fi kil wi aaf. Im blod frii wi kanchens fram dem de an mek wi kyan riili sorv di Gad we liv fi eva!

Jiemz 1:21

So unu fi get rid a aal a di naasi an torbl sitn dem we so nof bout di plies. Ombl unuself an tek iin di mesij we Gad put iina unu aat we kyan siev unu laif.

Jiemz 4:8

Jraa nier Gad, an Gad wi jraa nier unu. Sina kliin op unu laif. An unu we kyaahn mek op unu main, kliin op fi unu aat tu.

1 Piita 1:2

Faada Gad pik unu fi wan riizn, jos laik im did a plan fi du lang bifuo unu baan. An im Spirit kliin op unu aat so unu kyan fala wa Jiizas Krais se. An Jiizas blod mek unu kliin tu. Mi prie se Gad wi aalwiez shuo unu im lov iivn duo wi no dizorv it an gi unu piis iina unu aat.

1 Piita 2:17

Rispek evribadi. Unu fi lov di ada piipl dem we biliiv iina Gad tu. Unu fi andastan ou big Gad bi an gi im di muos rispek. An unu fi rispek di king tu.

1 Piita 3:1

A siem so aal a unu waif mos lisn unu ozban an du wa dem se unu fi du. Da wie de ef dem no biliiv iina Gad wod dem wi staat biliiv jos siek-a ou unu a gwaan. Unu wudn iivn afi se a ting tu dem.

1 Piita 3:20

Dem de spirit de, a di spirit fi di piipl dem we neva fala Gad iina Nowa taim, wen Nowa did a bil di big buot. Gad did a wiet pan dem piipl de ou lang. A onggl iet a dem en op go iina di buot an kom chuu di flod sief sief.

1 Piita 3:8

Dis a di laas ting mi a se ya-so. Di uol a unu fi kom tugeda laik se unu a wan sumadi an chrai fi andastan wa unu wan aneda a go chuu. Unu fi lov unu wan aneda laik ou breda an sista lov dem wan aneda. Unu mos kip unu wan aneda neks tu unu aat an shuo umoch unu kier fi dem. An unu mos ombl unuself mongks unu wan aneda tu.

1 Piita 4:17

Kaaz jojment taim kom ya nou; an wi we a Gad piipl, a wi it a staat wid fos. So, a wa a-go apm tu aal a di piipl dem we no biliiv Gad Gud Nyuuz?

1 Piita 4:8

An muo dan notn els unu fi riili lov unu wan aneda aal di taim an wid aal a unu aat. Kaa lov kova op sin, no mata ou it mait-a uol iip.

2 Piita 1:7

An no jos dat, bot unu fi lov an kier bout unu wan aneda tu. An pan tap a aal a dat unu fi lov evribadi fram di batam a unu aat.

1 Jan 3:11

Dis a di mesij wi ier fram di staat: wi fi lov wan aneda.

1 Jan 3:23

Dis a wa Gad se wi fi du, wi fi biliiv iina Jiizas Krais, im Bwai Pikni, an wi fi lov wi wan aneda tu.

1 Jan 4:12

Nobadi neva si Gad yet, bot ef wi lov wi wan aneda dat shuo se Gad riili iina wi an wi a lov ou im waahn wi fi lov.

1 Jan 4:20

Ef sumadi se dem lov Gad, an iet dem breda an sista dem, dem a laiyad, kaaz sumadi kyaahn lov Gad we dem kyaahn si, an no lov dem breda an sista we dem kyan si.

1 Jan 4:7

Mi fren, mek wi lov wan aneda, kaaz lov kom fram Gad, an enibadi we shuo lov a Gad pikni an dem nuo Gad.

Revilieshan 2:4

Bot mi stil av sitn gens unu: unu no lov unu wan aneda di wie unu yuus tu wen unu did fos biliiv iina mi.