1 Piita 1:17 - Di Jamiekan Nyuu Testiment

¹⁷ Gad no paashal, an im a-go joj evribadi bies pan ou dem liv dem laif an wa dem du. Ef unu kaal im Faada, unu fi liv rait an shuo im rispek fi di taim we unu de ya mongks chrienja.

1 Piita 1:17 ပူးပေါင်းရင်းမြစ်များ

Matyu 16:27

Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Matyu 22:16

So dem sen som a fi dem falara plos Erad falara dem go a Jiizas. Dem se tu im se, “Tiicha, wi nuo se yu a taak chuut an yu riili a tiich di rait sitn bout wa Gad waahn. Yu no kier bout wa piipl tingk, kaa yu no paashal.

Matyu 6:9

“So, a so unu fi prie: “‘Wi Faada we iina evn, mek piipl av nof rispek fi yu an yu niem.

Ruoman 11:20

Nou dat a di chuut. Dem did get brok aaf kaaz dem neva biliiv bot kaaz unu biliiv unu a go tan wich paat unu de. Bot no mek dat get tu unu ed, insted-a dat unu beta wach unuself!

2 Korintiyan 1:2

Mi prie se wi Faada Gad an wi Laad Jiizas Krais wi shuo unu lov iivn duo wi no dizorv it an gi unu piis iina unu aat.

2 Korintiyan 5:6

An sins wi av Gad Spirit a liv iina wi, wi no fried an wi no gi op. Wi nuo se az lang az wi a liv pan ort iina da badi ya, wi de faar fram di uom we di Laad mek fi wi.

2 Korintiyan 7:1

Mi gud gud fren, sins Gad mek dem pramis ya tu wi, mek wi stie faar fram sin an kip wi badi an wi spirit kliin. Mek wi rispek Gad an gi im evri paat a wi. Mek wi chrai fi bi muor laik im.

2 Korintiyan 7:11

So unu si umoch gud it du unu wen Gad mek unu sari. It mek unu staat tek tingz siiros an wel waahn fi shuo se unu a du di rait ting. It beks unu. It mek unu fried. It mek unu wel waahn fi si mi. It mek unu staat tek kier wid wa unu du an chrai aad fi mek shuor se unu a du di rait ting.

Gyalieshan 2:6

Di impuotant liida dem iina Jeruusilem (mi no bizniz wid ou impuotant di liida dem bi, kaaz Gad no luk pan dat, im no paashal) — dem neva ad notn tu di mesij we mi priich.

Ifiijan 1:17

Mi prie se di Gad fi wi Laad Jiizas, di Faada we big an powaful iina evri wie, wi kaaz unu fi waiz an andastan evriting, so dat unu kyan nuo im beta.

Ifiijan 3:14

Sins mi nuo aal a dis, mi go dong pan mi nii an prie tu faada Gad.

Ifiijan 6:9

An aal a unu we av sliev, unu fi chriit unu sliev dem gud. Unu no fi chretn dem, kaa memba se unu an unu sliev av di siem maasta iina evn, an im no paashal wid nobadi.

Filipiyan 2:12

So mi gud fren, unu si siem laik ou unu aalwiez du we Gad waahn unu fi du, no onggl wen mi de de wid unu bot wos laik ou mi no de de, gwaan du di sitn dem we wi mek piipl si se Gad siev unu an unu av nof rispek fi im iina evriting we unu a du.

Koloshan 3:25

Az fi di wan dem we du rang, Gad a-go gi dem bak sitn fi aal a di rang we dem du. Im no kier a uu dem.

Iibruu 12:28

So laik ou Gad a gi wi di rait fi ruul wid im, an dat a sitn we kyaahn shiek op, mek wi gi Gad tangks an yuuz dis an worship im iina wan wie we wi mek im api. Mek wi rispek im big taim.

Iibruu 4:1

So wi fi mek shuor se Gad no pramis fi gi wi piis an res an wi en op no get it kaaz wi gilti a sopm.

1 Piita 2:11

Mi fren, mi a beg unu du, laik ou unu a farina pan ort, we a-go de ya fi nou mongks chrienja, no bada du wa di badi waahn — di badi a waar wid di suol.

1 Piita 3:15

Unu fi andastan se Krais Jiizas a di onggl Laad, an worship im wan. An unu fi aalwiez redi fi ansa enibadi we aks unu a wa mek unu chos iina Krais Jiizas so.