1 Piita 1:12 - Di Jamiekan Nyuu Testiment

¹² Gad mek dem si se wa dem did a taak bout a neva did fi dem, bot dem did fi apm fi unu. Di sed sitn we di prafit dem did se, a di siem Gud Nyuuz di priicha dem kom gi unu. A di Uoli Spirit, we did sen dong fram evn, did gi dem di powa fi kom kom tel unu — aal ienjel did waahn andastan dem sitn ya!

1 Piita 1:12 ပူးပေါင်းရင်းမြစ်များ

Matyu 11:25

Da taim de, Jiizas se, “Faada, a yu ron evriting iina evn an pan ort, mi priez yu. Mi priez yu kaa yu aid dem sitn ya fram piipl we tingk se dem brait an av nof sens, bot yu shuo lili pikni dem.

Matyu 11:27

“Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.

Matyu 16:17

So den Jiizas se tu im se, “Saiman, Juona bwai pikni, yu bles, kaa a no naamal piipl mek yu nuo dat, bot a fi mi Faada we iina evn tel yu dat!

Maak 16:15

Im tel dem se, “Go aal uova di worl an priich di Gud Nyuuz tu evribadi.

Luuk 15:10

Mi a tel yu a siem wie Gad ienjel dem api wen wan sina ton tu Gad.”

Luuk 2:26

Di Uoli Spirit did tel im se im naa go ded bifuo im si di Krais we di Laad pramis fi sen kom.

Luuk 9:6

So Jiizas apasl dem chravl fram dischrik tu dischrik, a priich di Gud Nyuuz an a kyuor piipl.

Jan 15:26

“Mi a-go sen di Elpa fram di Faada tu unu. Im a di Spirit we shuo piipl di chuu sitn dem bout Gad, an im a di wan we kom fram di Faada. Wen im kom, im gweehn tel piipl bout mi.

Aks 10:44

Piita did stil a priich wen aal av a sodn di Uoli Spirit kom dong an tek kanchuol a aal a di piipl we did a lisn tu di mesij.

Aks 16:10

Afta Paal get di vijan, wi mek op wi main se Gad did waahn wi fi go priich di Gud Nyuuz tu dem, so wi chrai siem taim fi go a Masiduoniya.

Aks 2:33

So Gad big op Jiizas an put im fi sidong a im rait an. An Faada Gad gi im Bwai Pikni di Uoli Spirit jos laik im did pramis. So aal wa unu a si an a ier ya nou, a Jiizas mek dem a apm.

Aks 4:31

Afta dem don prie, di ous we dem did a miit get shiek op. Di Uoli Spirit tek kanchuol a dem an mek dem priich Gad wod an no fried a notn.

Aks 4:8

Di Uoli Spirit tek kanchuol a Piita, den Piita se tu dem: “Unu we a di ruula dem an di elda dem fi di piipl,

Aks 8:25

Afta Piita an Jan don tel di piipl wa dem nuo bout di Laad, an priich di Gud Nyuuz, dem go baka Jeruusilem. Pan di wie dem priich di Gud Nyuuz iina nof Samaritan dischrik.

Ruoman 1:15

So mi wel waahn fi kom priich di Gud Nyuuz tu aal a unu we de a Ruom tu.

Ruoman 1:17

Di Gud Nyuuz shuo ou Gad tek we piipl sin an mek tingz rait bitwiin im an dem, an dat im du aal a dat kaaz dem biliiv iina Jiizas Krais. It aal rait dong iina Gad wod se, “Di piipl uufa sin Gad tek we kaaz dem biliiv iina im, a dem a-go riili liv.”

Ruoman 10:15

An ef nobadi no sen dem, ou dem fi go priich tu nobadi? Jos laik it se iina Gad wod, “A wan gud gud sopm wen Gad mesinja dem kom priich di Gud Nyuuz.”

Ruoman 15:19

an siek-a di sain dem an di mirikl dem we Gad Spirit gi mi di powa fi du. So fram Jeruusilem go klier a Ilirikom, mi priich di Gud Nyuuz bout Krais Jiizas aal bout.

1 Korintiyan 2:10

Bot Gad yuuz im Spirit fi shuo wi aal a dem sitn de. Gad Spirit sorch an fain out evriting, it aal nuo di sitn dem we Gad a tingk we nobadi els no nuo bout.

2 Korintiyan 1:22

Im maak wi fi shuo se wi bilang tu im an gi wi di Spirit iina wi aat so wi wuda nuo se im a-go gi wi aal we im pramis fi gi wi.

2 Korintiyan 6:6

Wi shuo se wi a Gad sorvant wen wi kip wiself kliin. Gad mek wi andastan im mesij an mek wi nuo ou im waahn wi fi liv. Wi shuo se wi a Gad sorvant wen wi kain tu piipl, an tek taim wid dem an no kwik fi get beks ar grombl grombl. Wi mek di Uoli Spirit elp wi fi du wi wok, wi no du it pan wi uon. Wi shuo se wi a Gad sorvant wen wi shuo piipl lov, no mata uu dem bi ar we dem du, wi aalwiez shuo dem lov.

Gyalieshan 1:12

Nobadi neva bring it kom gi mi ar tiich it tu mi. Di mesij we mi priich tu unu kom fram Gad an a Jiizas shuo it tu mi.

Gyalieshan 1:16

im mek mi nuo im Bwai Pikni, Jiizas, so dat mi kuda tiich di piipl dem we a no Juu bout im. Mi neva go taak tu nobadi wen dem sitn de apm tu mi,

Ifiijan 3:10

Gad du aal a dis so dat, iina dem taim ya, di choch wuda shuo di spirit dem we ruul an we av nof powa iina di skai, ou Gad riili riili waiz.

1 Tesaluoniyan 2:9

Breda an sista, wi shuor se unu memba ou aad wi did afi wok. Wi wok die an nait so wi neehn afi presha nobadi ar bordn unu dong wen wi did kom priich tu unu di Gud Nyuuz we kom fram Gad.

1 Timoti 3:16

Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.

Iibruu 11:13

Aal a dem piipl ya we ded did a chos iina Gad siem wie, aal wen dem neehn get iina dem an, di sitn we Gad did pramis. (Dem did si dem fram faar faar — lang bifuo dem apm an dem did wel api). An dem neehn fried fi se dem no kom fram ya-so — dat dem a farina pan ort.

Iibruu 2:4

An Gad yuuz sain an shuo se dis a chuu sopm. Som sitn we im du, piipl kyaahn biliiv dem yai di wie dem sopraiz! Plos im yuuz aal kain-a mirikl. An im aal mek piipl get wa di Uoli Spirit kom gi. Dem get it jos laik ou im did waahn it fi go. An aal a dat shuo se wa di piipl dem did se riili riili chuu.

Iibruu 4:2

Kaaz wi did ier di Gud Nyuuz priich jos laik ou di Izrel piipl dem did ier it tu. Bot di wod we priich neehn elp dem at aal at aal kaaz dem neehn biliiv laik di res a piipl dem we did ier it.

1 Piita 1:25

bot di Laad wod liv fi eva an eva.” An da wod ya a di Gud Nyuuz we dem did priich tu unu.

1 Piita 4:6

A dat mek di Gud Nyuuz did priich tu aal di piipl dem we ded nou, kaaz iivn duo dem get joj laik ada piipl, di Spirit wi mek dem kyan go liv wid Gad.

Revilieshan 5:11

Den mi luk an ier di vais a wan uol iip a ienjel. An ef yu fi ad dem op bout touzn an touzn an touzn — yu kyaahn kount dem. Dem gyada roun di chuon an roun di sitn dem an di elda dem.