1 Piita 1:11 - Di Jamiekan Nyuu Testiment

¹¹ Dem did chrai fi fain out a uu ar a wa taim Krais Jiizas Spirit, we iina dem, did aalwiez a taak bout. Di Spirit tel dem wie bifuo da taim ya se Krais Jiizas did a go sofa. An di Spirit tel dem bout aal a di gud gud sitn dem we a-go apm afta dat tu.

1 Piita 1:11 ပူးပေါင်းရင်းမြစ်များ

Matyu 26:24

Di Man we Gad Pik mos go siem ou Gad wod se im a-go go, bot yu si di man we sel im out — chobl fi'im mi tel yu! Im wuda betaraaf ef im neehn baan.”

Luuk 24:44

Jiizas tel dem se, “Wen mi did de mongks unu, mi tel unu bout aal a dem sitn ya. Mi tel unu se evriting we rait bout mi iina Muoziz Laa, wa di prafit dem se an we iina di Saamz tu did afi kom chuu.”

Jan 12:41

Aizaiya se dem sitn ya, kaaz im did si ou Krais big an powaful. Im did si an taak bout im.

Aks 16:7

Wen dem riich a Misiya, dem chrai fi go iina Bitiniya, bot di Uoli Spirit neva lou dem.

Ruoman 8:9

Bot yu si unu, unu naa liv ou unu badi waahn unu fi liv. Unu a liv ou di Spirit se unu fi liv, dat a ef Gad Spirit riili de iina unu. Nou di piipl we no av Krais Jiizas Spirit a liv iina dem, dem no bilang tu Gad.

Gyalieshan 4:6

An kaaz di uol a wi a nou im pikni, Gad sen im Bwai Pikni Spirit fi kom liv iina wi aat. An a da Spirit de we kaaz wi fi baal out, “Faada, mi Faada.”

2 Piita 1:21

Kaaz no mesij fram Gad neva kom bout bies pan we no man ar uman waahn, bot a di Uoli Spirit did tek kanchuol a piipl an mek dem gi mesij we kom fram Gad.

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”