1 Korintiyan 9:8 - Di Jamiekan Nyuu Testiment

⁸ Unu tingk mi jos a se dem sitn ya kaaz dem mek sens? Di Laa no se dem siem sitn ya tu?

1 Korintiyan 9:8 ပူးပေါင်းရင်းမြစ်များ

1 Tesaluoniyan 4:8

An enibadi we no du dis, a no jos man dem naa fala bot dem ton dem bak pan Gad — Gad, we gi unu im Uoli Spirit.

1 Tesaluoniyan 2:13

An siek-a dis wi gi Gad tangks aal di wail. Kaaz wen unu tek iin Gad wod we unu did ier fram wi, unu neehn tek it laik a wod we kom fram man, bot unu tek it fi wa it bi fi chuu — Gad wod, we a wok iina aal a unu we biliiv.

1 Korintiyan 14:34

Di uman dem no fi taak wen choch a kip, an dem no fi inchaaj niida, a so di Laa se.

1 Korintiyan 7:40

Az faar az mi kyan si an Gad Spirit liid mi jos laik ou im liid unu — a beta shi tan ou shi bi, shi wi muor api da wie de.

Ruoman 6:19

(Mi a yuuz sopm outa unu laif, dis uol ting bout sliev an maasta, fi elp unu andastan wa mi a se. Mi no tingk unu wi andastan ef mi no du dat.) Wan taim unu did tek unuself ton sliev tu aal kain-a naasinis an wikidnis — unu gi op evri paat a unu badi fi tek paat iina aal kain-a sin. A siem so nou unu fi tek unuself ton Gad sliev — unu mos gi op evri paat a unu fi du wa rait. Da wie de unu wi riili bi Gad piipl.

Ruoman 3:31

So wa dat miin fi di Laa? Ef Gad onggl mek tingz rait bitwiin im an piipl wen dem biliiv, dat miin se di Laa no wot notn? Nuo notn no go so! Wen wi biliiv iina Gad wi a shuo se di Laa riili wot sopm, a da taim de wi riili a fala di Laa.

Ruoman 3:5

So wa ef wen wi du rang, piipl si klier klier se Gad aalwiez a du we rait? Wa wi kyan se bout dat? Unu tingk wi kyan se Gad a du rang wen im ponish wi? (Mi jos a taak ou som piipl taak)

Gyalieshan 1:11

Breda an sista mi waahn unu fi nuo se di mesij we mi priich tu unu, a no notn we nobadi mek op an tel mi.