1 Korintiyan 9:5 - Di Jamiekan Nyuu Testiment

⁵ Wi no av di rait fi tek uman we biliiv iina Gad an mek dem wi waif, an kyari dem roun wid wi, jos laik di ada apasl dem, di Laad breda an Siifas?

1 Korintiyan 9:5 ပူးပေါင်းရင်းမြစ်များ

Jan 1:42

An im kyari Saiman go wich paat Jiizas did de. Wen Jiizas si Saiman, im luk pan im an se, “Yu a Saiman, Jan bwai pikni. Fram nou aan, yu niem Siifas” (iina fi dem langwij, dat de a di niem fi Piita).

Matyu 8:14

Wen Jiizas riich a Piita yaad, im si se Piita mada-in-laa did lai dong iina bed. Shi did av fiiva.

Iibruu 13:4

Evribadi fi rispek marid laif, ozban an waif mosn go sliip wid nobadi els — dem fi kip dem bed kliin. Kaaz di piipl dem we dabl iina seks sin, an we sliip wid piipl dem no marid tu, Gad a-go joj dem.

Gyalieshan 1:19

Wen mi de de mi si Jiemz, di Laad breda, bot mi neva si non a di ada apasl dem.

1 Korintiyan 7:39

Wan uman mos stie marid tu ar ozban az lang az im a liv. Bot ef im ded shi kyan go marid sumadi els bot da man de afi bi wan a Gad pikni.

1 Korintiyan 7:7

Mi wish se evribadi wuda stie laik mi — mi no marid. Bot Gad mek evribadi difrant, im mek som piipl tan da wie ya an im mek som piipl tan da wie de.

Aks 1:14

Di uol a dem did eva a miit tugeda fi prie: dem, di uman dem, Mieri, Jiizas mada, an Jiizas breda dem.

Taitos 1:6

Wan elda mos liv im laif so dat nobadi kyaahn se notn bad bout im. Im mos onggl av wan waif an im pikni dem fi biliiv iina Jiizas. Im pikni dem no fi wail ar go gens wa dem mada an faada se bot mos aalwiez shuo dem rispek.

1 Timoti 5:2

Di uol uman dem, yu fi taak tu dem laik ou yu wuda taak tu yu mada an di yongga uman dem taak tu dem laik dem a yu sista. Du dis wid wan kliin aat.

1 Timoti 3:2

Di elda fi liv im laif so dat nobadi kyaahn se notn bad gens im. Im fi av onggl wan waif, im fi nuo ou fi kanchuol imself an no go uova buod wid notn. Piipl mos kyan rispek im an im fi kyan chriit piipl gud wen dem kom a im yaad. Di elda mos nuo ou fi tiich.

1 Korintiyan 7:15

Bot ef di wan we no biliiv iina Gad waahn fi lef, mek dem gwaan. Ef dem waahn lef, di breda ar sista we biliiv no afi stie marid tu dem no muor. Kaaz Gad waahn wi fi liv iina piis.

1 Korintiyan 1:12

Unu nuo wa mi a taak bout. Som a unu a se, “Mi a fala Paal.” Wan neda gruup a se, “Mi a fala Apalos.” Wan neks gruup a se, “Mi a fala Siifas” an wan neda gruup a se, “Mi a fala Krais.”

Ruoman 16:1

Nou mi waahn unu fi nuo se wi sista Fiibi a wan gud sumadi — shi sorv di choch iina Senkriya.

Jan 2:12

Afta di wedn, im, im mada, im breda dem an im falara dem go a Kyaporniyom, an dem tan de fi kopl die.

Luuk 6:15

Matyu, Tamas, Jiemz (dat a Alfiyos bwai pikni), Saiman we dem kaal Zelat,

Maak 6:3

A uu im, no di kyaapinta dis? No Mieri bwai? An wi no nuo im breda dem: Jiemz, Juozif, Juudas an Saiman? An im sista dem no liv ya wid wi?” An so dem did beks an neehn waahn diil wid Jiizas non at aal.

Maak 1:30

Saiman mada-in-laa did sik iina bed a ruos wid fiiva. Wen Jiizas riich a di ous, dem tel im bout ar.

Matyu 13:55

“Wiet! No di kyaapinta bwai dis? No Mieri im mada niem? An im breda dem a no Jiemz, Juozif, Saiman an Juudas?

1 Timoti 4:3

Dem tiich se piipl no fi get marid an dem no fi nyam sortn an sortn fuud. Bot di piipl we biliiv iina di chuu Gad nuo se Gad mek aal fuud fi nyam, aal yu afi du a gi tangks fos.

1 Korintiyan 7:8

Nou di piipl we no marid an di piipl dem we ozban ar waif ded lef dem, a dis mi afi se tu unu: it gud fi unu tan ou unu bi an no marid jos laik mi.

Luuk 8:20

So sumadi tel Jiizas se, “Yu mada an breda dem tan op outa duor a wiet fi si yu.”