1 Korintiyan 9:25 - Di Jamiekan Nyuu Testiment

²⁵ Enibadi we a rona ar uu plie eni kain-a spuot afi eksasaiz an wok aad evridie. Dem afi nuo ou fi kanchuol demself iina evriting we dem du. Dem du dat so dat dem kyan win wan medal. Di medal we dem win kyan mash op bot yu si wa wi a-go get, dat kyaahn mash op — it a-go laas fi eva an eva.

1 Korintiyan 9:25 ပူးပေါင်းရင်းမြစ်များ

2 Timoti 2:5

Jos laik sumadi we du spuots, yu kyaahn win notn ef yu no fala di ruul dem.

Revilieshan 2:10

No fried a di sitn dem wa unu bout fi sofa. Mi a tel unu, di devl a-go fling som a unu iina prizn fi tes unu. An unu a-go sofa fi ten die. Bot unu fi tan op chrang an chos mi siem wie, iivn ef dem mek op dem main fi kil unu. Kaaz siem laik ou wan rona get wan medal wen im win wan ries, mi wi gu'unu laif fi fu'unu praiz.

1 Timoti 6:12

Yu chos iina Gad so yu a-go av nof tingz we yu a-go afi chogl chuu. Gwaan tan op chrang an priich Gad wod. Ef yu du dis yu kyan nuo fi shuor se yu a-go liv fi eva. Kaaz dat a di pramis we Gad gi yu wen yu did se dat yu biliiv iina im infronta evribadi.

Revilieshan 3:11

Mi suun kom so eng aan pan we unu av so dat nobadi kyaahn tek we unu kroun.

Jiemz 1:12

Ef unu uol aan chrang an no gi op wen unu a go chuu chraiyal an kraasiz we kom fi tes unu, unu a-go wel api. Kaaz wen unu tes don, Gad gweehn gi unu di kroun a laif we im pramis fi gi evribadi we lov im.

2 Piita 1:6

An no jos nuo bout Gad niida, bot unu fi nuo ou fi kanchuol unuself tu. No jos nuo ou fi onggl kanchuol unuself, bot unu fi chrai aad tu fi chos iina Gad an pres aan no mata wa. Unu fi gi Gad evri paat a unu laif an du wat-eva im waahn unu fi du.

1 Piita 5:4

An wen di Ed Shepad kom bak, unu wi get wan shaini kroun we naa go fied out.

1 Piita 1:4

Siek-a dat, wi kyan luk fi get aal a wa Gad a kip sief iina evn fi im piipl dem. Dem sitn de kyaahn ded. Dem naa go pwail ar doti op. An dem kyaahn jrai op an disapier niida.

Gyalieshan 5:23

Di Spirit mek dem jengkl an mek dem nuo ou fi kanchuol demself. No Laa no de bout we wi tap yu fram liv so.

Iibruu 12:28

So laik ou Gad a gi wi di rait fi ruul wid im, an dat a sitn we kyaahn shiek op, mek wi gi Gad tangks an yuuz dis an worship im iina wan wie we wi mek im api. Mek wi rispek im big taim.

Iibruu 12:4

Unu a fait gens sin, bot unu neva yet fait so til blod staat ron.

1 Korintiyan 15:54

An wen dat apm, a dem taim de di sitn dem we rait dong iina Gad wod a-go apm tu. Mi a taak bout di paat we se, “Det luuz, it naa no powa uova wi.”

Revilieshan 4:10

di twenti-fuo elda dem fling dong demself a di fut a di wan we sidong pan di chuon, an gi priez tu di wan we liv fi eva an eva. Dem pudong dem kroun infronta di chuon an se:

Revilieshan 4:4

Roun di fos chuon, mi si twenti-fuo ada chuon wid twenti-fuo elda sidong pan dem. Di twenti-fuo elda dem did av aan wait kluoz, an evri wan a dem av aan wan guol kroun pan dem ed.

Taitos 1:8

Insted-a dat, di elda mos uopm op im ous tu piipl, lov du gud sitn an im aat mos kliin. Im mos fier tu evribadi an im mos nuo ou fi kanchuol imself an du we im nuo iina im main rait an no fala wa im badi waahn fi du.

Taitos 2:2

Tel di uolda man dem se dem no fi go uova buod wid notn. Dem fi kanchuol demself an liv so piipl kyan rispek dem. Di uolda man dem fi eva chrang iina wa dem biliiv, aalwiez shuo lov an neva gi op.