1 Korintiyan 9:24 - Di Jamiekan Nyuu Testiment

²⁴ Unu no nuo se aal di rona dem we go a stiediyom ron gens dem wan aneda, bot a onggl wan a dem kyan win? So unu mos ron laik se unu waahn fi win.

1 Korintiyan 9:24 ပူးပေါင်းရင်းမြစ်များ

Filipiyan 3:14

Mi a push aad fi go chuu an finish di ries an fi get di sitn dem we Gad pudong iina evn fi mi, kaaz a dat Gad kaal mi fi chos Krais Jiizas fa.

Iibruu 12:1

So laik ou wan kroud a piipl de aal bout roun wi, an dem shuo wi aredi ou fi chos iina Gad, wi afi dash aaf evriting we a sluo wi dong iina da ries ya. Di sin we tai op wi fut iizi iizi, wi afi dash dem aaf man, an ron di ries we de infronta wi an no wier out pan di wie.

Revilieshan 3:11

Mi suun kom so eng aan pan we unu av so dat nobadi kyaahn tek we unu kroun.

Filipiyan 2:16

Unu fi tel di piipl dem Gad mesij — Gad mesij bout ou dem kyan get di laif we mek dem liv fi eva an eva. Unu fi du dat, so dat wen Krais Jiizas kom baka ort, mi wi kyan buos bout unu se mi neehn ron ar wok so aad mongks unu fi notn.

1 Korintiyan 9:26

So mi naa ron laik wan man we naa no we a ron go — mi ron chriet a di finish lain. Mi naa fait laik se mi a baks briiz.

Gyalieshan 5:7

Unu did a ron so aad an a gwaan so gud! A uu kaaz unu fi tap fala an biliiv iina di chuut?

Gyalieshan 2:2

Mi go bak de kaaz Gad did mek mi nuo se a de-so im waahn mi fi go. An wen mi dong de mi miit wid di liida dem — dem wan, an mek dem ier di mesij we mi did a priich tu di piipl dem we a no Juu. Mi mek dem ier it so dat dem wuda nuo se mi a tiich di chuut an so dat aal a di wok we mi did a du, wudn kom tu notn.

Jiemz 1:12

Ef unu uol aan chrang an no gi op wen unu a go chuu chraiyal an kraasiz we kom fi tes unu, unu a-go wel api. Kaaz wen unu tes don, Gad gweehn gi unu di kroun a laif we im pramis fi gi evribadi we lov im.

Koloshan 2:18

No fala nobadi we waahn mek unu fiil bad kaaz dem se unu no worship Gad ou unu fi worship im. Dem gwaan an gwaan bout ou unu fi ombl unuself, an bout ou unu fi worship ienjel. No lisn dem. Dem dis a chat a galang bout wa dem kliem se dem si iina vijan. Bot dem a buos an dem no av notn fi buos bout siek-a dem worliyan main.

Ruoman 6:16

Unu mos nuo se, wen unu tek unuself ton sumadi sliev an se unu a-go fala unu maasta, unu afi du evriting we unu maasta se. Nou unu kyan chuuz fi mek sin unu maasta an ded ar unu kyan mek Gad unu maasta an mek im put tingz rait bitwiin unu an im.

1 Korintiyan 9:13

Unu no nuo se di wan dem we wok iina Gad ous get fi dem fuud siem plies de a Gad ous? An unu no nuo se di wan dem we elp fi fiks op di fuud fi bon sakrifais — dem get som a da siem fuud de?

1 Korintiyan 9:23

Mi du aal a dat fi elp pred di Gud Nyuuz bout Jiizas, an so dat mi wi get di gud sitn dem we Gad pramis fi gi im piipl.

Filipiyan 3:12

Mi naa se mi riich we mi waahn fi riich aredi, ar dat evriting we Jiizas kaal mi fa mi a it aredi. Bot mi a pres aad aad fi ton di kain-a sumadi Krais Jiizas pik an waahn mi fi bi.