1 Korintiyan 9:22 - Di Jamiekan Nyuu Testiment

²² Tu di piipl dem we wiik mi ton wiik tu, so dat mi kuda elp dem fi biliiv iina Jiizas Krais. So bies pan ou piipl liv, mi chienj ou mi liv so dat mi wuda du aal we mi kuda du fi elp siev som a dem.

1 Korintiyan 9:22 ပူးပေါင်းရင်းမြစ်များ

Ruoman 11:14

Mi tek it siiros kaaz mi uop se wa mi a du wi mek som a fi mi piipl, di Juu dem, jelos an waahn wa unu av, da wie de som a dem wi get siev.

Ruoman 14:1

Di breda an sista dem we no chrang iina wa dem biliiv, unu mos tek dem iin an mek dem fiil welkom. No aagyu wid dem bout wa dem fiil rait fi du ar rang fi du.

Ruoman 14:2

Som piipl biliiv se dem kyan iit evriting, bot di piipl we no chrang iina wa dem biliiv, dem wi onggl iit vejitebl — dem naa iit no miit.

Ruoman 15:1

Nou wi we chrang iina wa wi biliiv, wi fi tek taim wid an elp di wan dem we wiik. Wi no fi jos du di sitn dem we wi waahn an wa wi mek wi api.

Ruoman 15:2

Insted-a dat mek evri wan a wi du di sitn dem we wi mek wi breda an sista api, mek wi du di sitn dem we gud fi dem an wa wi elp fi bil dem op.

1 Korintiyan 10:33

Unu fi du laik mi. Mi chrai fi du tingz we wi kaaz evribadi fi api. Mi no du tingz fi elp miself wan bot mi du tingz we wi elp evribadi. Mi du dat so dat evribadi kyan get siev.

1 Korintiyan 7:16

Aal a unu we a waif an av ozban we no biliiv, ou unu nuo se unu naa go siev unu ozban? An aal a unu we a ozban an we av wan waif we no biliiv, ou unu nuo se unu naa go siev unu waif?

1 Korintiyan 8:13

So ef wa mi nyam a-go kaaz mi breda fi sin, mi wi tap nyam it. Da wie de mi wudn kaaz im fi sin.

1 Korintiyan 9:19

Iivn duo mi frii an nobadi no uon mi, mi tek miself ton evribadi sliev, so dat mi kyan kaaz az moch piipl fi biliiv iina Gad az mi kyan.

1 Korintiyan 9:23

Mi du aal a dat fi elp pred di Gud Nyuuz bout Jiizas, an so dat mi wi get di gud sitn dem we Gad pramis fi gi im piipl.

2 Korintiyan 11:29

Wen sumadi wiik, mi no fiil wiik tu? Wen sumadi get chrik an go sin, mi no beks til mi blod bwail?

Gyalieshan 6:1

Breda an sista, ef unu fain se sumadi we iina di choch a liv iina sin, unu we a liv ou Gad Spirit se unu fi liv, mos karek dem bot tek taim wid dem. Tek kier so unu no faal iina sin tu.