1 Korintiyan 9:17 - Di Jamiekan Nyuu Testiment

¹⁷ Kaaz ef mi miself, chuuz fi priich di Gud Nyuuz, Gad wi pie mi. Bot ef a no chuuz mi chuuz fi du it, den aal mi a du, a du di wok we Gad gi mi an chos mi fi du.

1 Korintiyan 9:17 ပူးပေါင်းရင်းမြစ်များ

Gyalieshan 2:7

Dem neva ad notn kaaz dem si se a Gad gi mi da mesij ya fi priich tu di piipl dem we a no Juu. Gad gi mi jos laik ou im did gi di mesij tu Piita so im kuda tiich it tu di Juu dem.

1 Korintiyan 3:8

Nou di wan we plaant an di wan we waata, di tuu a dem a wok tugeda kaaz dem waahn di siem sitn fi apm. An di tuu a dem a-go get pie bies pan we dem du.

Koloshan 1:25

Mi de bout fi sorv di choch, kaaz Gad pik mi fi du it. Im pik mi fi elp unu an fi mek unu kyan nuo evri piis a im mesij.

1 Korintiyan 4:1

Dis a ou unu fi tingk bout wi we a tiich unu: unu fi luk pan wi an si se wi a jos Krais Jiizas sorvant dem an di wan dem we de ya fi tel unu bout aal a di sitn dem we unu no nuo bout Gad.

Matyu 10:41

Enibadi we welkom wan prafit, kaa dem si se a wan prafit dat, dem wi get di siem ting laik wa di prafit dem a-go get. An enibadi we welkom sumadi we du rait iina Gad yai, jos kaa dem si se da sumadi de du wa rait iina Gad yai, dem wi get di siem ting laik we di piipl dem we du rait iina Gad yai a-go get.

1 Tesaluoniyan 2:4

Insted-a dem sitn de, wa wi did du? Wi taak laik man we Gad tes an tingk gud inof fi sen wid di mesij bout Jiizas. Wi naa chrai fi mek nobadi laik wi, wi onggl waahn du wa Gad waahn wi fi du kaaz a im a si wi aat.

1 Korintiyan 3:14

Ef di faiya no bon op wa dem bil pan di foundieshan, Gad a-go pie dem fi di wok we dem du.

Failiiman 1:14

Bot mi no waahn du notn widout aks yu fos an mi no waahn fi fuos yu an. Mi waahn wen yu fi elp mi yu du it kaaz yu waahn fi elp mi.

2 Korintiyan 8:12

Umoch yu av no mata, Gad no bizniz wid umoch yu av ar no av. Wa mata a umoch yu waahn fi gi outa we yu av.

1 Korintiyan 9:16

Mi kyaahn buos bout di fak se mi a priich di Gud Nyuuz kaaz a Gad aada mi fi du dat. An ef mi no priich di Gud Nyuuz, Gad wuda ponish mi.

Luuk 12:42

Di Laad ansa im se, “Uu a di manija we di maasta kyan chos an dipen pan? A dat de wan im a-go put inchaaj a im sorvant dem, fi gi dem fi dem shier a di fuud wen di rait taim kom.

Matyu 24:25

Unu beta memba se mi weehn tel unu dem sitn ya bifuo dem apm.

Jan 4:36

Di sumadi we gyada op di fuud a get fi'im pie, an di fuud we im de gyada a piipl we gweehn liv fi eva. So nou, im we plaant an im we gyada, di tuu a dem gweehn glad tugeda.

1 Korintiyan 9:18

So den a wa mi a-go get pie? Fi mi pie a dat mi kyan priich di Gud Nyuuz bout Jiizas an no chaaj nobadi. Da wie de mi kyan priich an no aks unu fi sopuot mi iivn duo mi av di rait fi aks unu.