1 Korintiyan 9:14 - Di Jamiekan Nyuu Testiment

¹⁴ A siem so di Laad se dat di wan dem we go roun an tiich di Gud Nyuuz fi get wa dem niid fi liv fram di piipl dem we dem a tiich.

1 Korintiyan 9:14 ပူးပေါင်းရင်းမြစ်များ

Matyu 10:10

Wen unu a go pan di ruod no bring no bag, no ekschra shot, slipaz ar waakn tik, kaa di wokman dem dizorv fi get di sitn dem we dem niid fi liv.

Luuk 10:7

Di man we lov piis an tek unu iin, a fi'im yaad unu fi tan. Nyam an jringk wa dem gi unu, kaaz ef sumadi wok dem fi get pie. Unu fi tan a wan yaad an no muuv fram yaad tu yaad.

Luuk 10:8

“Enitaim unu go iina wan toun an di piipl dem tek unu iin, nyam we dem gi unu.

Aks 18:3

an kaaz im an dem du di siem kain-a wok, im tan wid dem an wok wid dem (fi dem wok a did fi mek tent).

1 Korintiyan 4:15

Kaaz iivn duo unu mait-a av ten touzn tiicha fi elp unu liv ou Gad waahn unu fi liv, a no aal a dem a-go komiin laik wan faada tu unu. Bot mi a unu faada kaaz a mi fos bring di Gud Nyuuz kom gi unu an elp unu fi biliiv.

1 Korintiyan 9:11

Ef a wi plaant di gud sitn dem fram Gad Spirit iina unu aat, unu no tingk se wi shuda a get fram unu di sitn dem we wi niid fi liv?

1 Korintiyan 9:12

Ef unu av ada piipl we unu afi sopuot, unu no tingk se unu shuda waahn sopuot wi muor dan dem? Bot iivn duo wi kuda tel unu fi sopuot wi, wi no aks unu fi notn. Wi go chuu evri an eniting so dat wi no tap nobadi fram biliiv di Gud Nyuuz bout Jiizas Krais.

1 Korintiyan 9:16

Mi kyaahn buos bout di fak se mi a priich di Gud Nyuuz kaaz a Gad aada mi fi du dat. An ef mi no priich di Gud Nyuuz, Gad wuda ponish mi.

1 Korintiyan 9:4

Unu no tingk se wi av di rait fi get fuud an jringks fi di wok we wi du?

2 Korintiyan 2:12

Nou wen mi go a Chuowas fi priich di Gud Nyuuz bout Jiizas, mi fain se di Laad did don mek wan wie fi mi taak tu di piipl dem.

Gyalieshan 6:6

Unu we a lorn Gad wod mos shier aal a di gud sitn dem we unu av wid unu tiicha.

1 Tesaluoniyan 1:5

Kaaz wen wi did bring wi Gud Nyuuz kom, a neehn suo-so wod wi bring kom, bot wi bring di mesij wid powa we kom fram di Uoli Spirit. An unu si se wi biliiv wid aal a wi aat se di Gud Nyuuz a chuu. Unu si aal a wa wi did du wen wi did liv mongks unu? Wi did du aal a dem sitn de fi elp unu.