1 Korintiyan 9:11 - Di Jamiekan Nyuu Testiment

¹¹ Ef a wi plaant di gud sitn dem fram Gad Spirit iina unu aat, unu no tingk se wi shuda a get fram unu di sitn dem we wi niid fi liv?

1 Korintiyan 9:11 ပူးပေါင်းရင်းမြစ်များ

Ruoman 15:27

A dem mek op dem main fi du it, nobadi neva afi se notn tu dem, bot di chuut a dat dem sopuoz fi elp Gad piipl we puor. Kaaz ef di Juu dem did shier aal a di nais sitn dem we Gad Spirit gi dem wid di piipl we a no Juu, dem no fi shier dem moni an tingz wid dem tu.

Gyalieshan 6:6

Unu we a lorn Gad wod mos shier aal a di gud sitn dem we unu av wid unu tiicha.

2 Korintiyan 11:15

So den it no fi sopraiz nobadi se fi im sorvant dem a chrai fi chrik piipl tu an gwaan laik se di wok we dem a du a gud sopm. Bot di die gweehn kom wen dem a-go get aal we dem a wok fa.

Matyu 10:10

Wen unu a go pan di ruod no bring no bag, no ekschra shot, slipaz ar waakn tik, kaa di wokman dem dizorv fi get di sitn dem we dem niid fi liv.

1 Korintiyan 9:14

A siem so di Laad se dat di wan dem we go roun an tiich di Gud Nyuuz fi get wa dem niid fi liv fram di piipl dem we dem a tiich.

Filipiyan 4:17

A no muor moni mi a luk fram unu mek mi a se dem sitn ya, bot mi waahn unu du muor an muor gud sitn so Gad wi pie unu bak wid aal braata.