1 Korintiyan 8:3 - Di Jamiekan Nyuu Testiment

³ Bot ef sumadi lov Gad, Gad nuo dem.

1 Korintiyan 8:3 ပူးပေါင်းရင်းမြစ်များ

2 Timoti 2:19

Bot Gad foundieshan salid an chrang, it a tan op siem wie. An it av dis rait pan it: “Di Laad nuo di piipl dem we a fi im uon,” an “Enibadi we se Jiizas a ‘Laad’ mos tap du wikid sitn.”

1 Korintiyan 2:9

Bot it rait dong se: “No yai no si, no iez no ier, aal a di sitn dem we Gad pudong fi di piipl we lov im. Nobadi kudn iivn tingk dem op.”

Gyalieshan 4:9

Bot nou unu an Gad kluos — mi riili shuda se nou Gad mek it so unu an im kyan kluos — ou unu kyan ton unu bak pan im an a go bak go fala di wiik spirit dem we a ruul di worl an we naa no powa? Unu waahn go bak go ton dem sliev agen?

Revilieshan 2:19

“Mi nuo ou unu liv: unu lov wan aneda, tan op chrang fi wa unu biliiv, sorv wan aneda, an tan op chrang an no gi op wen unu did a go chuu nof chobl an kraasiz. Matarafak, unu a du nof muo nou dan wa unu yuus tu du wen unu did jos get siev.

Jiemz 1:12

Ef unu uol aan chrang an no gi op wen unu a go chuu chraiyal an kraasiz we kom fi tes unu, unu a-go wel api. Kaaz wen unu tes don, Gad gweehn gi unu di kroun a laif we im pramis fi gi evribadi we lov im.

Jan 10:14

Mi a di gud shepad. Mi nuo mi uona shiip dem an mi shiip dem nuo mi

Matyu 7:23

Bot a gweehn se tu dem se, ‘Mi no nuo yu non at aal. Gwe fram ya-so! Aal unu du a brok Gad Laa!’

1 Jan 4:19

Wi lov wan aneda kaaz Gad lov wi fos.

Revilieshan 2:9

Mi nuo bout aal a unu sofarieshan an ou unu puor — bot unu riili rich. An di piipl dem we se dem a Juu bot dem a no Juu, mi nuo ou dem a tel aal saat a lai an a chat bad bout unu. Dem a wan gruup a piipl we bilang tu Sietan.

1 Piita 1:8

Unu neva si Jiizas yet, bot unu lov im siem wie; an iivn duo unu kyaahn si im nou wid unu yai dem, unu stil biliiv an chos iina im. An no wod no de we kyan mek piipl riili nuo ou glad an api unu bi!

Revilieshan 2:13

‘Mi nuo we unu liv. Unu liv we Sietan av im chuon bot unu stil biliiv iina mi. Unu neva ton we fram di chuut, iivn iina di taim wen dem kil mi sorvant, Antipas, iina di toun we Sietan ruul.

Jan 21:17

Fi di tord taim Jiizas aks im se, “Saiman, Jan bwai pikni, yu lov mi?” Piita did fiil a wie, kaaz a chrii taim nou Jiizas aks se, “Yu lov mi?” So im se, “Laad, yu nuo evriting. Yu nuo se mi lov yu.” Den Jiizas se tu im se, “Fiid mi shiip dem.

Jiemz 2:5

Mi breda an sista, ier wa mi a se. No Gad pik di puo piipl iina di worl fi bles dem kaaz dem biliiv iina im? Im pik dem fi tek paat iina im kindom wa im pramis fi gi aal uu lov im.

Ruoman 11:2

Gad no ton im bak pan im piipl — di piipl we im pik fram bifuo im mek di worl! Unu no memba wa Gad wod se did apm wen Ilaija go komplien tu Gad bout aal we di Izrel piipl did a du? Ilaija se,

1 Korintiyan 13:12

Kaaz jos laik ou wen wi luk pan wiself iina wan shain piis a metal, wi kyaahn mek out evriting, a siem so wi tan nou. Wi nuo som tingz bot wi no nuo evriting. Bot wan die wi a-go si Gad fies tu fies an den wi wi nuo an andastan evriting we de de fi nuo bout Gad. Jos laik ou Gad nuo evriting bout wi.

1 Jan 4:7

Mi fren, mek wi lov wan aneda, kaaz lov kom fram Gad, an enibadi we shuo lov a Gad pikni an dem nuo Gad.