1 Korintiyan 8:2 - Di Jamiekan Nyuu Testiment

² Di piipl dem we tingk se dem nuo sopm no riili nuo it yet laik ou dem fi nuo it.

1 Korintiyan 8:2 ပူးပေါင်းရင်းမြစ်များ

1 Korintiyan 13:12

Kaaz jos laik ou wen wi luk pan wiself iina wan shain piis a metal, wi kyaahn mek out evriting, a siem so wi tan nou. Wi nuo som tingz bot wi no nuo evriting. Bot wan die wi a-go si Gad fies tu fies an den wi wi nuo an andastan evriting we de de fi nuo bout Gad. Jos laik ou Gad nuo evriting bout wi.

1 Korintiyan 3:18

No bada fuul unuself. Ef unu tingk unu waiz jos chuu di piipl we no biliiv iina Gad se so, mi a tel unu a beta unu ton fuul so dat unu kyan riili get waiz.

Gyalieshan 6:3

Kaaz ef sumadi tingk se dem big an impuotant bot dem a nobadi, dem onggl a fuul demself.

Ruoman 11:25

Breda an sista mi waahn unu fi andastan da siikrit ya we piipl neva nuo bout bifuo. Mi waahn unu fi andastan it so dat unu no get ful-a unuself an tingk se unu waiz: Di Izrel piipl dem mek op dem main se dem naa biliiv iina Jiizas, bot dat naa go gwaan fi eva. It a-go tap wen aal a di piipl dem we a no Juu an we Gad did pik kom fi biliiv iina im.