1 Korintiyan 8:13 - Di Jamiekan Nyuu Testiment

¹³ So ef wa mi nyam a-go kaaz mi breda fi sin, mi wi tap nyam it. Da wie de mi wudn kaaz im fi sin.

1 Korintiyan 8:13 ပူးပေါင်းရင်းမြစ်များ

Matyu 17:27

“Bot, kaa wi no waahn nobadi beks, go dong a di sii an chuo out yu lain fi kech fish, an di fos fish yu kech wen yu uopm op im mout yu a-go fain wan silva kain. Gi dem dat fi fi mi an fi yu taks fi Gad ous.”

Aks 15:20

Insted-a dat, wa wi fi du a rait an tel dem se dem no fi nyam no fuud we piipl tek bon sakrifais gi faalz gad, ton we fram aal saat a seks sin, no nyam miit fram animal we eng ar we dem blod neva bliid out wen dem get kil, an no nyam ar jringk blod.

Ruoman 14:13

So mek wi tap joj wi wan aneda. Insted-a dat mek wi chrai wi bes fi no du notn we wi kaaz wi breda an sista fi sin.

Ruoman 14:21

It gud fi no iit miit ar jringk wain ar fi du notn we wuda kaaz yu breda ar sista fi sin.

1 Korintiyan 10:32

No du notn we a-go kaaz di Juu dem, di piipl we a no Juu ar Gad choch fi sin.

1 Korintiyan 10:33

Unu fi du laik mi. Mi chrai fi du tingz we wi kaaz evribadi fi api. Mi no du tingz fi elp miself wan bot mi du tingz we wi elp evribadi. Mi du dat so dat evribadi kyan get siev.

1 Korintiyan 13:5

Dem no disrispek ada piipl an dem no du tingz fi elp demself wan. Piipl we av lov iina dem aat no iizi fi get beks an dem no av op piipl iina dem aat.

1 Korintiyan 6:12

Piipl wi se, “Mi kyan du eniting mi waahn fi du, no laa no de de fi tap mi,” — bot a no evriting we wi kyan du, gud fi wi. Piipl wi se tu, “Mi kyan du eniting mi waahn fi du, no laa no de de fi tap mi,” — bot mi naa go mek notn we mi kyan du ruul uova mi.

1 Korintiyan 9:12

Ef unu av ada piipl we unu afi sopuot, unu no tingk se unu shuda waahn sopuot wi muor dan dem? Bot iivn duo wi kuda tel unu fi sopuot wi, wi no aks unu fi notn. Wi go chuu evri an eniting so dat wi no tap nobadi fram biliiv di Gud Nyuuz bout Jiizas Krais.

2 Korintiyan 11:29

Wen sumadi wiik, mi no fiil wiik tu? Wen sumadi get chrik an go sin, mi no beks til mi blod bwail?

2 Korintiyan 6:3

Wi mek shuor se wi no du notn we wuda kaaz piipl fi no biliiv iina di mesij we wi a tiich. Wi no waahn nobadi fi av notn bad fi se bout di wok we wi a du.