1 Korintiyan 8:12 - Di Jamiekan Nyuu Testiment

¹² Wen yu kaaz sumadi fi go gens wa dem biliiv, an sin dem wie de, yu a sin tu. A laik unu a se Krais ded fi notn.

1 Korintiyan 8:12 ပူးပေါင်းရင်းမြစ်များ

Matyu 18:6

Bot enibadi we mek wan a dem likl pikni ya, we biliiv iina mi, sin, dem wuda betaraaf ef wan big big rakstuon did tai roun dem nek an dem go joun dong a di batam a di sii.

Matyu 25:45

“Den im a-go ansa bak, ‘Mi tel unu dis an a chuu mi a taak, di siem wie unu neehn du dem sitn de fi wan a mi breda an sista dem we piipl se no wot notn, a siem so unu neehn du dem fi mi, kaa a laik a mi unu neehn elp wen unu neva elp dem.’

1 Korintiyan 12:12

Jos laik ou di badi av nof difrant paat, an yu niid aal a dem paat de fi mek op di badi, a siem so Krais Jiizas tan.

Matyu 25:40

“An di king a-go ansa bak, ‘Mi tel unu dis, an a chuu mi a taak, di taim dem wen unu weehn du dem sitn de fi wan a mi breda an sista dem we piipl se no wot notn, a laik se a mi unu did dwi'it fa.’

Matyu 18:21

Den Piita kom se tu im se, “Laad a umoch taim mi fi paadn mi breda ar sista we du mi sopm? Aal a sevn taim?”

Matyu 18:10

“Mek shuor se unu no luk dong pan non a dem likl pikni ya. Kaaz mi tel unu dis, dem av dem uona ienjel, an fi dem ienjel we iina evn a si mi Faada fies aal di taim.

Maak 9:42

“Ef nobadi mek wan a dem likl pikni ya we biliiv iina mi sin, it wuda beta fi dem ef sumadi tai wan big big rakstuon roun dem nek an fling dem iina di sii.

Luuk 17:2

Dem wuda betaraaf ef wan big big rakstuon did tai roun dem nek an dem get fling iina sii, dan fi dem kaaz wan a dem likl wan ya fi sin.

Ruoman 14:20

No mash op di wok we Gad du uova fuud. So iivn duo evriting kliin an gud fi iit, it wuda rang fi yu iit it ef it a-go kaaz sumadi fi sin.