1 Korintiyan 8:11 - Di Jamiekan Nyuu Testiment

¹¹ An iivn duo unu nuo se it aarait, da breda ar sista ya we no chrang laik unu an we Jiizas ded fa, mait-a tap biliiv siek-a wa unu du.

1 Korintiyan 8:11 ပူးပေါင်းရင်းမြစ်များ

Ruoman 14:15

Ef yu nuo se wen yu iit sortn an sortn fuud yu a-go ton aaf yu breda an sista, an yu du it siem wie, yu naa chriit dem wid lov. No mek di sitn dem we unu a iit mash op unu breda an sista we Krais Jiizas ded fa.

1 Korintiyan 8:13

So ef wa mi nyam a-go kaaz mi breda fi sin, mi wi tap nyam it. Da wie de mi wudn kaaz im fi sin.

1 Korintiyan 10:33

Unu fi du laik mi. Mi chrai fi du tingz we wi kaaz evribadi fi api. Mi no du tingz fi elp miself wan bot mi du tingz we wi elp evribadi. Mi du dat so dat evribadi kyan get siev.

Jan 6:27

No wok fi fuud we kyan pwail an we naa go laas no taim. Wok fi di kain-a fuud we a-go mek unu liv fi eva, a dat de fuud di Man we Gad Pik gweehn gi unu. Faada Gad put im speshal maak pan im fi shuo se im av di rait fi du we im du.”

1 Korintiyan 8:4

So den dis ting bout weda wi shuda iit ar no iit di fuud we piipl sakrifais gi faalz gad: di uol a wi nuo se dem faalz gad de no riili alaiv. An wi nuo se a onggl wan riil Gad de bout.