1 Korintiyan 7:9 - Di Jamiekan Nyuu Testiment

⁹ Bot ef dem kyaahn kanchuol demself, dem fi get marid. Kaaz a beta dem marid dan dem no marid an mek dem niecha kil dem.

1 Korintiyan 7:9 ပူးပေါင်းရင်းမြစ်များ

1 Timoti 5:14

So mi waahn di yongga uman dem we ozban ded fi go marid agen. Dem fi get marid, av pikni an tek kier a dem fambili so dat di piipl dem we no laik wi, kyaahn av notn bad fi se bout wi.

1 Korintiyan 7:2

Bot sins nof piipl a sliip wid piipl an dem no marid, evri man fi av im uona waif, an evri uman fi av ar uona ozban.

1 Timoti 5:11

No put no uman we anda siksti pan da lis ya. Kaaz dem niecha wi kaaz dem fi go marid agen an jraa dem fram Gad.

1 Korintiyan 7:28

Bot ef di wan dem we neva av seks yet go get marid a no sin dem a sin. Bot dem we get marid, dem a-go av nof chobl iina da laif ya an mi no waahn unu fi afi go chuu dat.

1 Korintiyan 7:39

Wan uman mos stie marid tu ar ozban az lang az im a liv. Bot ef im ded shi kyan go marid sumadi els bot da man de afi bi wan a Gad pikni.

1 Korintiyan 7:36

Ef wan man fi marid wan uman we neva sliip wid no man yet an im tingk se im naa chriit ar rait, an shi a get uol an im fiil se im fi marid ar — mek im marid ar. Im naa sin ef im du dat. Dem fi get marid.

Aks 19:36

So sins nobadi kyaahn se dem sitn ya no go so, unu fi sekl unuself an tap dis fuulinish we a kaaz so moch chobl.

1 Tesaluoniyan 4:4

Evri wan a unu fi nuo ou fi kanchuol unu badi iina wan wie we gud an kliin an we shuo se unu a Gad piipl, an iina wan wie we piipl kyan rispek.