1 Korintiyan 7:5 - Di Jamiekan Nyuu Testiment

⁵ Wen unu marid unu onggl fi tap sliip wid unu wan aneda ef di tuu a unu mek op unu main fi tap so unu kyan spen som taim a prie. An unu onggl fi du dat fi a shaat taim. Wen di taim paas unu fi go bak go sliip wid unu wan aneda so dat Sietan kyaahn kaaz unu fi du notn rang kaaz unu kyaahn kanchuol unu badi.

1 Korintiyan 7:5 ပူးပေါင်းရင်းမြစ်များ

Matyu 19:11

So Jiizas ansa bak, “A no evribadi kyan tek wa mi jos se yu no — dat a no fi evribadi; a fi onggl uu it go fa.

1 Tesaluoniyan 3:5

A so kom wen wi kudn bier it no langga mi did afi sen Timoti fi fain out ef unu a uol aan chrang an a gwaan chos iina Gad. Kaa mi did fried se Sietan did mek unu du rang an so aal di wok we wi did du mongks unu wudn wot notn.

Matyu 4:10

Jiizas ansa bak, “Muuv an gu we fram mi Sietan! It rait dong se, ‘Yu fi worship di Laad we a yu Gad, an a im wan yu fi sorv.’”

1 Korintiyan 7:4

Di waif badi a no fi ar uon, ar badi bilang tu ar ozban. A siem so di ozban badi a no fi im uon, im badi bilang tu im waif.