1 Korintiyan 7:38 - Di Jamiekan Nyuu Testiment

³⁸ So di wan we marid di uman we neva sliip wid no man yet, du di rait sitn, bot di wan we no get marid — im du sitn iivn beta.

1 Korintiyan 7:38 ပူးပေါင်းရင်းမြစ်များ

Iibruu 13:4

Evribadi fi rispek marid laif, ozban an waif mosn go sliip wid nobadi els — dem fi kip dem bed kliin. Kaaz di piipl dem we dabl iina seks sin, an we sliip wid piipl dem no marid tu, Gad a-go joj dem.

1 Korintiyan 7:37

Bot ef wan man fi marid wan uman we neva sliip wid no man yet, an im mek op im main se im naa get marid, an im kyan kanchuol imself — da man ya naa du notn rang niida.

1 Korintiyan 7:8

Nou di piipl we no marid an di piipl dem we ozban ar waif ded lef dem, a dis mi afi se tu unu: it gud fi unu tan ou unu bi an no marid jos laik mi.

1 Korintiyan 7:26

Yu si chuu di wan dem we biliiv iina Gad a-go go chuu nof aad taimz, mi tingk it beta fi unu tan ou unu bi.

Matyu 5:32

Bot ier wa mi a se: eni man we brok op wid im waif, an a no laik se shi did a kip man wid im ar a gwaan wid no ada seks sin, ef da uman de go marid wan neks man, a di fos ozban wuda mek shi a liv iina sin kaa nou shi wudaana sliip wid wan neks man. An di man we marid da uman de afta ar ozban lef ar, im a liv iina sin tu, kaa im a sliip wid wan neks man waif.

1 Korintiyan 7:39

Wan uman mos stie marid tu ar ozban az lang az im a liv. Bot ef im ded shi kyan go marid sumadi els bot da man de afi bi wan a Gad pikni.