1 Korintiyan 7:35 - Di Jamiekan Nyuu Testiment

³⁵ Mi naa chrai fi aada unu fi du dem sitn ya. Mi a se dem fi chrai elp unu, kaaz mi waahn unu fi kyan sorv Gad an no av notn a tap unu fram sorv im.

1 Korintiyan 7:35 ပူးပေါင်းရင်းမြစ်များ

1 Korintiyan 7:36

Ef wan man fi marid wan uman we neva sliip wid no man yet an im tingk se im naa chriit ar rait, an shi a get uol an im fiil se im fi marid ar — mek im marid ar. Im naa sin ef im du dat. Dem fi get marid.

Luuk 8:14

Di wan dem we jrap iina makabush, a di piipl we ier Gad wod, bot dem staat fret bout laif an aal dem kyan tingk bout a ou fi mek moni an ou fi enjai demself. Dem mek dem sitn de chuok dem so dem no bier no raip fruut.

Filipiyan 4:8

Mi breda an sista, wan muor ting mi waahn se tu unu. Unu si eniting we chuu, eniting we unu kyan rispek, eniting we rait, eniting we gud an kliin, eniting we piipl kyan luk pan an fiil gud bout, eniting we piipl kyan taak gud bout, eniting we fit fi get big op — a dem sitn de unu fi set unu aat an main pan aal di taim.

1 Korintiyan 7:2

Bot sins nof piipl a sliip wid piipl an dem no marid, evri man fi av im uona waif, an evri uman fi av ar uona ozban.

Luuk 21:34

“Wach out an no spen di uol a unu taim a nyam an jringk, an a fret bout laif, ar da die de a-go kriip op an kech unu laik wan chrap.

Matyu 19:12

Kaaz yu av man we kyaahn marid fi difrant difrant riizn. Som man no get marid kaaz fram dem baan dem kyaahn av seks — a jos so Gad mek dem. Dem kyaahn du notn so dem no marid. Som man kyaahn av seks kaaz piipl kot aaf dem tingz, dem kyaahn du notn so dem no get marid niida. An som man, dem no bada get marid so dat dem kyan spen muo taim a du Gad wok. Uu kyan tek dis fi tek it.”

Taitos 2:3

A siem so di uolda uman dem fi liv laik uman we se dem a fala Gad. Dem no fi tel lai ar taak bad bout ada piipl. Dem no fi lov wain so til dem kyaahn tap jringk it niida. Di uolda uman dem fi tiich wa gud.

Ifiijan 5:3

Unu a Gad speshal piipl. So non a unu no fi get miks op iina naasi laif laik: man a sliip wid uman we a no im waif, man a sliip wid man, ar uman wid uman. Unu no fi waahnti-waahnti niida. Dem de sitn de no fi de mongks Gad piipl at aal at aal.

1 Korintiyan 7:28

Bot ef di wan dem we neva av seks yet go get marid a no sin dem a sin. Bot dem we get marid, dem a-go av nof chobl iina da laif ya an mi no waahn unu fi afi go chuu dat.

1 Timoti 1:10

It mek fi di man dem we av seks wid ada man, ar uman we av seks wid ada uman, an fi piipl we tek paat iina aal kain-a seks sin. Di Laa a fi di wan dem we kech an sel piipl fi ton sliev, an fi piipl we a laiyad an piipl we go a kuot go tel lai pan ada piipl. Matarafak it a fi enibadi we go gens di chuu mesij we wi tiich,

Matyu 22:15

Den di Farisii go we an staat mek plan fi tek Jiizas uona wod chrap im.