1 Korintiyan 7:34 - Di Jamiekan Nyuu Testiment

³⁴ Di man we marid afi tingk bout tuu sitn wan taim. Di uman dem we no marid an di wan dem we neva sliip wid no man yet, dem eva a tingk bout di Laad an onggl bizniz wid ou dem kyan sorv im. Dem waahn aal we dem du wid dem badi an aal we dem tingk fi shuo se dem bilang tu Gad. Bot di uman dem we marid, dem afi wori bout fuud an ous an fambili — dem afi wori bout ou fi kip dem ozban api.

1 Korintiyan 7:34 ပူးပေါင်းရင်းမြစ်များ

Jan 10:13

Di sumadi we get pie fi luk aafa di shiip dem ron we kaaz im onggl bizniz bout di moni. Im no kieta bout di shiip dem.

Ruoman 6:13

No lou no paat a unu fi miks op iina sin. No lou sin fi yuuz unu badi fi du aal kain-a wikidnis. Insted-a dat, gi unu laif tu Gad. A laik unu did ded an Gad mek unu kom bak alaiv an a liv nou. So unu mos gi unuself tu Gad. Gi im evri paat a unu so dat im wi yuuz unu fi du wa rait.

1 Korintiyan 6:20

Gad pie nof fi unu wen im sen im Bwai Pikni fi ded fi unu. So tek kier a unu badi an liv rait so dat piipl wi nuo se unu bilang tu Gad.

1 Korintiyan 7:33

Bot di man we marid im afi wori bout di sitn dem we im fambili niid fi liv. Im afi wori bout ou fi tek kier a im waif.

1 Korintiyan 7:35

Mi naa chrai fi aada unu fi du dem sitn ya. Mi a se dem fi chrai elp unu, kaaz mi waahn unu fi kyan sorv Gad an no av notn a tap unu fram sorv im.

2 Korintiyan 11:28

A nof sitn mi naa tel unu bout, bot pan tap a aal a dat, evridie mi wori bout aal a di choch dem. Mi wori so til mi aat evi.

2 Korintiyan 8:16

Wi tangk Gad kaaz im mek Taitos lov an kier fi unu siem laik wi lov an kier fi unu.

Filipiyan 1:20

So diip dong iina mi aat, mi riili chos se notn we mi du ar we mi se a-go mek mi shiem. Bot laik mi aalwiez du, an a du rait ya nou, mi eva a-go priich an no fried a notn, an mi eva a-go mek Krais Jiizas get nof rispek, weda mi ded ar alaiv.

1 Tesaluoniyan 5:23

Wi prie se Gad imself we gi piipl piis, wi put unu wan said fi liv fi im an sorv im wid aal a unu aat, an wi mek unu tan jos laik im iina evri wie. An wi prie se im wi no mek no paat a unu — spirit, suol ar badi, kyan get bliem fi notn wen wi Laad Jiizas Krais kom bak.

1 Timoti 3:5

Kaaz ef sumadi kyaahn ron dem uona ous ou dem a-go ron Gad choch?

1 Timoti 5:5

A di uman we ozban ded an we no av no fambili, a di wan di choch mos elp. Shi a di wan we chos iina Gad wid aal ar aat, prie nait an die, an aks Gad fi elp ar.

Taitos 3:8

Aal a wa mi jos tel yu, a chuu sopm. An a dat mi waahn yu fi tiich aad aad. Tiich it so dat aal a di piipl we biliiv iina Gad wi mek shuor se dem onggl du gud sitn; dem sitn ya gud an wi elp evribadi.