1 Korintiyan 7:32 - Di Jamiekan Nyuu Testiment

³² Mi no waahn unu fi afi wori bout notn. Di man we no marid onggl bizniz wid Gad wok an wa im waahn im fi du. Im onggl waahn Gad fi api wid im.

1 Korintiyan 7:32 ပူးပေါင်းရင်းမြစ်များ

1 Timoti 5:5

A di uman we ozban ded an we no av no fambili, a di wan di choch mos elp. Shi a di wan we chos iina Gad wid aal ar aat, prie nait an die, an aks Gad fi elp ar.

Filipiyan 4:6

No wori wori op unuself bout notn. We unu fi du a prie tu Gad bout evriting, aks im fi we unu waahn, an gi im tangks fi evriting.

Matyu 13:22

Di wan we jrap iina makabush, a uu ier Gad wod bot im staat fret bout laif, an aal im kyan tingk bout a ou fi mek moni an get rich. Dem sitn de blak Gad wod, so it no du notn difrant iina dem laif.

Maak 4:19

bot chuu dem a fret bout laif, chuu aal dem kyaahn tingk bout a ou fi mek moni an get rich, an chuu dem waahn muo an muo tingz, dem sitn de blak Gad wod, so it no du notn difrant iina dem laif.

Jan 10:13

Di sumadi we get pie fi luk aafa di shiip dem ron we kaaz im onggl bizniz bout di moni. Im no kieta bout di shiip dem.

1 Korintiyan 7:33

Bot di man we marid im afi wori bout di sitn dem we im fambili niid fi liv. Im afi wori bout ou fi tek kier a im waif.