1 Korintiyan 7:29 - Di Jamiekan Nyuu Testiment

²⁹ Wa mi a chrai fi se breda an sista, a dat taim shaat — Krais Jiizas suun kom bak. So fram nou aan, aal a unu we av waif fi sorv Gad so til it komiin laik se unu no av no waif.

1 Korintiyan 7:29 ပူးပေါင်းရင်းမြစ်များ

1 Jan 2:17

Di worl an aal a di wikid sitn dem iina it a go we bot aal a di piipl dem we du we Gad waahn dem fi du wi liv fi eva.

1 Korintiyan 7:31

Di piipl dem we a wok aad so dem kyan liv gud, unu no fi spen aal a unu taim a wori bout di sitn dem we de iina da worl ya. Kaaz da worl ya naa go tan so fi eva — it suun ded an gaan.

1 Piita 4:7

Bot, di taim wen aal a dis a-go don suun kom. So klier unu ed an staat tingk chriet, get unu main redi fi akshan, kanchuol unuself an staat liv siiros. Du aal a dat so dat unu kyan prie.

1 Piita 1:24

Gad wod se, “Evri man an uman a laik graas, an aal dem gud luks, an di big op we dem get tan laik wail flowaz. Di graas jrai op an di flowaz jrap a grong,

1 Korintiyan 7:28

Bot ef di wan dem we neva av seks yet go get marid a no sin dem a sin. Bot dem we get marid, dem a-go av nof chobl iina da laif ya an mi no waahn unu fi afi go chuu dat.

1 Korintiyan 7:30

A siem so dem we a baal, fi sorv Gad so til it komiin laik se dem neva did a baal. Dem we api, fi sorv Gad jos laik dem wuda sorv im ef dem neva api. Mek di piipl dem we av moni fi bai aal we dem niid, sorv Gad so til it komiin laik se dem neva av notn.

Luuk 14:20

“Aneda wan se, ‘Mi jos marid, so mi kyaahn kom.’