1 Korintiyan 7:23 - Di Jamiekan Nyuu Testiment

²³ Gad pie fi unu, no mek nobadi tek unu ton unu iina sliev.

1 Korintiyan 7:23 ပူးပေါင်းရင်းမြစ်များ

1 Korintiyan 6:20

Gad pie nof fi unu wen im sen im Bwai Pikni fi ded fi unu. So tek kier a unu badi an liv rait so dat piipl wi nuo se unu bilang tu Gad.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

Revilieshan 5:9

An dem sing wan nyuu sang: “Yu gud inof fi tek di ruol op buk an fi bos aaf di chring dem, kaaz yu did get kil. An yu tek yu blod bai piipl fi Gad fram evri chraib an langwij an piipl an konchri.

Aks 20:28

An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

1 Piita 3:18

Kaaz Krais Jiizas sofa an ded fi di uol a wi sin wans an faraal. Wan man we du onggl wa rait, ded fi aal a uu a sina, fi bring wi tu Gad. Dem kil di badi, bot Gad mek im liv agen iina di Spirit.

Gyalieshan 2:4

Mi did taak tu di liida dem wan kaaz yu av som piipl we gwaan laik se dem a fala Gad an a siniik kom iin mongks Gad piipl, so dat dem kyan wach dem. Jiizas frii wi kaaz wi an im kluos. So dem a wach wi kaaz wi no afi fala di Juu dem Laa. Dem waahn wi fi fala da Laa de laik se wi a sliev.

Matyu 6:24

“Nobadi kyaahn sorv tuu maasta. Yu wi iet wan an lov di ada wan, ar yu wi ron go du eniting we wan waahn, bot no tuu bizniz wid di ada wan. Unu kyaahn sorv Gad an moni.