1 Korintiyan 7:2 - Di Jamiekan Nyuu Testiment

² Bot sins nof piipl a sliip wid piipl an dem no marid, evri man fi av im uona waif, an evri uman fi av ar uona ozban.

1 Korintiyan 7:2 ပူးပေါင်းရင်းမြစ်များ

Matyu 5:32

Bot ier wa mi a se: eni man we brok op wid im waif, an a no laik se shi did a kip man wid im ar a gwaan wid no ada seks sin, ef da uman de go marid wan neks man, a di fos ozban wuda mek shi a liv iina sin kaa nou shi wudaana sliip wid wan neks man. An di man we marid da uman de afta ar ozban lef ar, im a liv iina sin tu, kaa im a sliip wid wan neks man waif.

1 Korintiyan 6:18

Unu fi ron we fram aal kain-a seks sin. Di res a sin dem we piipl du apm outsaida di badi — it naa du dem badi notn. Bot di piipl we tek paat iina aal kain-a seks sin a mash op dem badi.

1 Korintiyan 7:1

Nou mek mi diil wid di sitn dem we unu rait mi bout: notn no rang ef wan man no go a bed wid wan uman.

1 Korintiyan 7:3

Ozban mos sliip wid dem waif, dat a fi dem dyuuti. A siem wie so di waif dem mos sliip wid dem ozban kaaz dat a fi dem dyuuti tu.

1 Korintiyan 7:9

Bot ef dem kyaahn kanchuol demself, dem fi get marid. Kaaz a beta dem marid dan dem no marid an mek dem niecha kil dem.

Ifiijan 5:28

A siem so ozban fi lov dem waif, siem laik ou dem lov dem uona self. Di wie ou im lov im waif shuo se im lov imself.

Ifiijan 5:33

Bot rait nou stil, mi a tel di ozban dem se dem fi lov dem waif jos laik ou dem lov demself. An di waif dem fi rispek dem ozban.

1 Tesaluoniyan 4:4

Evri wan a unu fi nuo ou fi kanchuol unu badi iina wan wie we gud an kliin an we shuo se unu a Gad piipl, an iina wan wie we piipl kyan rispek.

1 Timoti 4:3

Dem tiich se piipl no fi get marid an dem no fi nyam sortn an sortn fuud. Bot di piipl we biliiv iina di chuu Gad nuo se Gad mek aal fuud fi nyam, aal yu afi du a gi tangks fos.