1 Korintiyan 7:18 - Di Jamiekan Nyuu Testiment

¹⁸ Ef wan man did sorkomsaiz wen Gad kaal im fi bi wan a im piipl, im no fi chrai chienj notn ar aid notn, im fi tan ou im bi. Ef wan man neva sorkomsaiz wen Gad kaal im fi ton wan a im piipl, im no fi go get sorkomsaiz, im fi tan ou im tan.

1 Korintiyan 7:18 ပူးပေါင်းရင်းမြစ်များ

Aks 15:5

Den som a di choch piipl dem we a paat a di Farisii gruup tan op an se, “Di piipl we a no Juu afi get sorkomsaiz an wi afi aada dem fi kip Muoziz Laa tu.”

Aks 15:28

Di Uoli Spirit tingk se it bes fi wi no put no muo presha pan unu dan wa wi bout fi tel unu nou, an wi tingk so tu.

Aks 15:24

Wi ier se som man fram wi gruup kom a mek chobl fi unu an a chrai fi mes op unu ed wid di sitn dem we dem a tiich, bot wi neva sen dem, ar wi neva gi dem no rait fi du wa dem a du.

Aks 15:19

So Jiemz se tu dem se, “Ier mi nou, mi fiil se wi fi lef di piipl we a no Juu an no chrai fi mek it aad fi dem ton tu Gad.

Koloshan 3:11

Siek-a dat, wi no av Juu piipl difrant fram piipl we a no Juu. Wi no av piipl we sorkomsaiz difrant fram di wan dem we no sorkomsaiz. Wi no kaal nobadi wail, farina piipl, an wi no av sliev difrant fram piipl we frii. Kaaz rait ya nou, Krais Jiizas a aal wi bizniz bout, an im iina aal a wi we a liv da nyuu laif ya.

Aks 21:21

Wel, dem ier se yu a tiich aal a di Juu dem we liv mongks di piipl we a no Juu se dem fi ton we fram we Muoziz tiich, no sorkomsaiz dem pikni, ar liv laik ou Juu fi liv.