1 Korintiyan 7:14 - Di Jamiekan Nyuu Testiment

¹⁴ Gad tek di ozban we no biliiv iina im fi bi im pikni kaaz im waif a wan a im pikni. A siem so di waif we no biliiv, Gad tek ar fi bi im pikni kaaz ar ozban a fi im pikni. Ef Gad neva tek di ozban ar di waif we no biliiv iina im fi bi im pikni tu, fi dem pikni wudn bilang tu Gad. Bot chuu Gad tek dem az im pikni, fi dem pikni bilang tu im tu.

1 Korintiyan 7:14 ပူးပေါင်းရင်းမြစ်များ

Taitos 1:15

Evriting kliin fi di piipl we aat kliin an uufa main no ful-a sin. Bot notn no kliin fi di wan dem we mek sin ruul dem an we no biliiv. Fi dem aat an main doti.

1 Timoti 4:5

Kaaz prieya an Gad wod mek di fuud kliin.

Ruoman 11:16

Nou ef yu gi di fos paat a di bred tu Gad, a riili gi yu a gi im di uol a di bred; an ef yu gi op di ruut paat a wan chrii tu Gad, yu a gi im di branch dem tu.

Aks 10:23

Den Piita tek dem iina a di ous an put dem op fi di nait. Di neks die Piita, di man dem we did kom fi im, an som a di breda dem fram Japa ed out fi Kaaniiliyos yaad.

1 Korintiyan 7:13

An ef wan uman av wan ozban we no biliiv iina Gad, an im api fi gwaan liv wid ar, shi no fi lef im niida.