1 Korintiyan 6:8 - Di Jamiekan Nyuu Testiment

⁸ Nuo, insted-a dat, a unu a tiif an a unu a du rang — wos unu a du it tu unu uona breda an sista.

1 Korintiyan 6:8 ပူးပေါင်းရင်းမြစ်များ

1 Tesaluoniyan 4:6

An unu mosn chriit unu breda an sista dem iina wan wie we no rait. Unu no fi tek advaantij a dem. Kaaz di Laad a-go ponish piipl fi aal a dem kain-a sin ya. Wi did don tel unu an waan unu aredi.

Koloshan 3:25

Az fi di wan dem we du rang, Gad a-go gi dem bak sitn fi aal a di rang we dem du. Im no kier a uu dem.

Jiemz 5:4

Lisn tu mi! Unu rab di piipl dem we wok pan unu faam an no pie dem we dem wok fa. Nou dem pie we unu tiif aaf a baal out gens unu tu di Laad we ruul uova evriting.

Maak 10:19

Yu nuo wa Muoziz Laa se, ‘No kil, no sliip wid nobadi we yu no marid tu, no tiif, no tel lai pan piipl, no chrik piipl fi tek we wa dem av, rispek yu faada an mada an du wa dem se.’ ”

Matyu 20:13

“Di faam uona ansa wan a dem, ‘Fren, afta mi no tiif unu notn. Wi neehn kom tugeda an se a di naamal die pie mi fi gi unu? Iihn?