1 Korintiyan 6:3 - Di Jamiekan Nyuu Testiment

³ Unu no nuo se a wi a-go joj di ienjel dem? So den wi no mos kyan diil wid dem likl sitn ya we apm pan ort?

1 Korintiyan 6:3 ပူးပေါင်းရင်းမြစ်များ

Juud 1:6

Unu nuo tu bout di ienjel dem wa neehn tan we Gad put dem fi ruul. Dem jos lef dem plies so. Siek-a dat Gad tai dem op wid chien fi eva an eva. Gad a kip dem tai op iina wan daak daak pit til di big big jojment die.

Matyu 25:41

“Den di king a-go se tu aal uu de pan im lef-an-said se, ‘Gwe fram saida mi! Gwaan go bon op iina di faiya we a bliez fi eva an eva. A it Gad did fiks op fi di devl an im ienjel dem, bot im a sen unu go de tu!

1 Korintiyan 6:4

So wen unu av prablem iina di choch an piipl a kwaril wid dem wan aneda, unu a-go pik piipl we no av notn fi du wid di choch fi saat out di mata?

Luuk 8:14

Di wan dem we jrap iina makabush, a di piipl we ier Gad wod, bot dem staat fret bout laif an aal dem kyan tingk bout a ou fi mek moni an ou fi enjai demself. Dem mek dem sitn de chuok dem so dem no bier no raip fruut.

Luuk 21:34

“Wach out an no spen di uol a unu taim a nyam an jringk, an a fret bout laif, ar da die de a-go kriip op an kech unu laik wan chrap.

2 Timoti 4:10

Kaaz Diimas gaan lef mi an gaan dong a Tesalonaika, kaaz im lov da worl ya. Kresens gaan a Gyaliesha an Taitos gaan a Dalmatiya.

2 Timoti 2:4

Riil suoja no bada imself wid evridie laif. Im onggl bizniz wid di aami wok, kaaz im waahn fi mek im komaanda api.

2 Piita 2:4

Kaaz ef Gad neehn iivn spier di ienjel dem we did sin, bot did chuo dem chriet dong a el we dem chien op iina daaknis a wiet til jojment kom,

Ruoman 6:16

Unu mos nuo se, wen unu tek unuself ton sumadi sliev an se unu a-go fala unu maasta, unu afi du evriting we unu maasta se. Nou unu kyan chuuz fi mek sin unu maasta an ded ar unu kyan mek Gad unu maasta an mek im put tingz rait bitwiin unu an im.

1 Korintiyan 6:15

Unu no nuo se fi unu badi a paat a Krais Jiizas badi. So den, mi fi tek di piipl dem we mek op im badi an mek dem go sliip wid uman we sel ar badi fi moni — an mek dem ton paat a fi ar badi? Nuo sa!

1 Korintiyan 6:16

Unu no nuo se enibadi we sliip wid wan uman we sel ar badi fi moni, ton paat a ar badi tu? Kaaz it rait dong iina Gad wod se, “Wen man an uman av seks, it komiin laik se dem badi ton wan.”

1 Korintiyan 6:19

Unu no nuo se unu badi a di ous fi di Uoli Spirit we Gad gi unu? Unu no de pan unu uon.