1 Korintiyan 6:17 - Di Jamiekan Nyuu Testiment

¹⁷ Bot enibadi we a luk fi mek dem an di Laad wan, dem a-go bi wan wid im Spirit tu.

1 Korintiyan 6:17 ပူးပေါင်းရင်းမြစ်များ

Gyalieshan 2:20

An a no mi a liv no muor bot a Krais Jiizas a liv iina mi. Nou mi liv kaaz mi chos iina Gad Bwai Pikni — di wan we lov mi an we ded fi mi.

1 Korintiyan 12:13

Wen wi did get baptaiz, Gad gi aal a wi im Spirit an so di uol a wi a wan. It no mata ef yu a Juu ar yu a no Juu, ef yu a sliev ar yu frii, Gad gi aal a wi di siem Spirit.

Jan 3:6

Wen biebi baan, a piipl a av piipl, bot Gad, im mek piipl baan iina di Spirit.

Ifiijan 5:30

Im du it, kaaz wi a paat a fi im badi.

Filipiyan 2:5

Unu si siem laik ou Krais Jiizas tan, a siem so unu fi tan tu, an unu fi tingk jos laik ou im tingk:

Ruoman 8:9

Bot yu si unu, unu naa liv ou unu badi waahn unu fi liv. Unu a liv ou di Spirit se unu fi liv, dat a ef Gad Spirit riili de iina unu. Nou di piipl we no av Krais Jiizas Spirit a liv iina dem, dem no bilang tu Gad.

1 Korintiyan 6:15

Unu no nuo se fi unu badi a paat a Krais Jiizas badi. So den, mi fi tek di piipl dem we mek op im badi an mek dem go sliip wid uman we sel ar badi fi moni — an mek dem ton paat a fi ar badi? Nuo sa!