1 Korintiyan 6:12 - Di Jamiekan Nyuu Testiment

¹² Piipl wi se, “Mi kyan du eniting mi waahn fi du, no laa no de de fi tap mi,” — bot a no evriting we wi kyan du, gud fi wi. Piipl wi se tu, “Mi kyan du eniting mi waahn fi du, no laa no de de fi tap mi,” — bot mi naa go mek notn we mi kyan du ruul uova mi.

1 Korintiyan 6:12 ပူးပေါင်းရင်းမြစ်များ

1 Korintiyan 9:27

Nuo mi no mek mi badi kanchuol mi, mi kanchuol mi badi an mek it du wa mi waahn it fi du. Da wie de afta mi don priich di Gud Nyuuz Gad kyaahn se mi no dizorv fi mi praiz.

2 Tesaluoniyan 3:9

A no kaaz wi no av di rait fi du dat mek wi neehn du it yu no, bot a kaaz wi waahn mek shuor se unu si ou unu fi liv, an liv da wie de.

Juud 1:12

Dem man ya wi mash op unu miitn wen dem kom nyam an jringk wid unu. Unu fi kip we fram dem, siem laik ou ship kyaptin chrai fi kip we fram san bangk iina shalo waata. Wen dem a nyam an jringk wid unu dem no bizniz wid nobadi onggl demself. Dem komiin laik kloud we no av no rien we briiz bluo aal bout. Dem a laik chrii we no bier no fruut wen a taim fi bier fruut. Dem jrai op, ded an get ruut op.

1 Korintiyan 8:4

So den dis ting bout weda wi shuda iit ar no iit di fuud we piipl sakrifais gi faalz gad: di uol a wi nuo se dem faalz gad de no riili alaiv. An wi nuo se a onggl wan riil Gad de bout.

Ruoman 7:14

Nou wi nuo di Laa kom fram Gad an dat it afi du wid wi spirit. Bot mi, mi a jos wan man. Mi komiin laik wan sliev. Mi a wan sliev an sin a mi maasta — mi afi du wa it se.

1 Korintiyan 9:12

Ef unu av ada piipl we unu afi sopuot, unu no tingk se unu shuda waahn sopuot wi muor dan dem? Bot iivn duo wi kuda tel unu fi sopuot wi, wi no aks unu fi notn. Wi go chuu evri an eniting so dat wi no tap nobadi fram biliiv di Gud Nyuuz bout Jiizas Krais.

Jan 5:10

So di Juu liida dem se tu di man we Jiizas mek get beta, “Tide a di Sabat, yu nuo, an di Laa no lou yu fi kyari yu mat pan da die ya.”