1 Korintiyan 5:8 - Di Jamiekan Nyuu Testiment

⁸ So no mek wi selibriet di Paasuova festival wid uol yiis — yiis we ful op a bad main an wikidnis. Mek wi selibriet it wid bred we naa no yiis — di bred we gud an kliin.

1 Korintiyan 5:8 ပူးပေါင်းရင်းမြစ်များ

Luuk 12:1

Wen touzn an touzn a piipl staat gyada gyada we Jiizas de, dem did so nof dem aal a tep op tep op pan dem wan aneda. Jiizas taak tu im speshal falara dem fos, im se, “Wach out fi di tuu mout Farisii dem.

Maak 8:15

So Jiizas tel dem se, “Wach out! Gyaad unuself gens di Farisii dem an Erad yiis.”

Matyu 16:6

“Wach out!,” Jiizas se tu dem. “Gyaad unuself gens di Farisii an Sadyusii piipl dem yiis.”

1 Piita 4:2

Fram nou aan den, da sumadi de no fi spen di res a dem laif pan da ort ya a du aal kain-a sitn we no av notn fi du wid Gad laka wan taim, kaaz a dat dem mait-a waahn fi du. Nuo, dem fi liv ou Gad waahn dem fi liv.

Ifiijan 6:24

Yu si aal uu lov wi Laad Jiizas Krais, mi prie se unu wi si ou Gad lov unu, iivn duo wi no dizorv it.

1 Korintiyan 5:6

Unu no fi buosi-buosi. A no gud sopm dat! Unu no nuo se a onggl wan likl bit a yiis yu niid fi mek di uol a di duo swel op?

Jan 1:47

Wen taim Jiizas si Nataniyel a kom wich paat im de, dis a wa im se bout im, “Ku ya! Da man ya a wan Izrelait fi chuu! Da man ya no tel no lai.”

Matyu 16:12

A da taim de Jiizas falara dem kech se im neehn a taak tu dem bout yiis fi mek bred, bot im did a taak gens di sitn dem we di Farisii an Sadyusii piipl dem tiich.

2 Korintiyan 8:8

A no wan ruul mi a gi unu, mi naa se unu afi du it. Wa mi a du a tes unu. Mi a shuo unu di gud we ada piipl du, fi si ef di lov we unu se unu av iina unu aat, ef it riili riil.

2 Korintiyan 1:12

Nou dis a wa wi av we wi kyan buos bout: fi wi kanchens naa bada wi kaaz wi nuo se wi liv gud wid evribadi. Aal unu, muor dan di res a piipl dem, wi chriit gud. Wi neva aid notn fram unu an wi aalwiez liv laik ou piipl we se dem bilang tu Gad fi liv. An wi naa liv so kaaz wi sumaat ar wi av sens, bot kaaz Gad gud tu wi an a im mek wi kyan liv so.

1 Korintiyan 5:1

Nou piipl kom tel mi se unu av som piipl mongks unu we a du aal kain-a seks sin. Di sitn dem we dem a du so bad dat no iivn di piipl dem we no nuo Gad wuda du dem. Mi a ier bout ou wan man aal a sliip wid im stepmada.

1 Korintiyan 3:3

Unu stil a mek di sitn dem we unu badi waahn kanchuol unu. Ef unu eva a kos unu wan aneda, an ef unu eva red yai an waahn waahn unu wan aneda sitn dem, unu no tingk se unu a mek unu badi kanchuol unu? Unu no tingk se unu a gwaan laik di piipl dem we no nuo Gad?

2 Korintiyan 2:17

Wi no komiin laik nof ada piipl we chriit Gad wod laik a sopm chiip we dem kyan sel an mek moni. Nuo! Gad sen wi fi tiich im Wod an chuu wi a Jiizas sorvant dem wi aalwiez tiich di chuut laik se Gad did tan op rait infronta wi.