1 Korintiyan 5:3 - Di Jamiekan Nyuu Testiment

³ Iivn duo mi no de de, mi spirit de de wid unu. An mi don joj di wan dem we a tek paat iina aal kain-a seks sin. Mi joj dem an mi tel unu aredi wa unu fi du wid dem, laik se mi did de de wid unu.

1 Korintiyan 5:3 ပူးပေါင်းရင်းမြစ်များ

Koloshan 2:5

Kaaz iivn duo mi mait no riili de wich paat unu de, mi spirit de de wid unu siem wie. An mi api fi si se aal a unu tugeda, a tan op chrang an a chos iina Krais Jiizas.

1 Tesaluoniyan 2:17

Breda an sista, mek wi taak bout wi nou. Wen dem mek wi afi lef unu, aal ef a did jos wan owa, bwai wi mis unu! Wi mait-a kyaahn si unu bot wi did a tingk bout unu siem wie, an chrai aad aad fi si unu.

2 Korintiyan 13:2

Laas taim mi did de de, dat a did di sekan taim mi kom luk fi unu, mi did waan unu. Mi did tel di piipl dem we did a du rang, an di res a unu tu fi tap it. Tap du rang kaaz wen mi kom bak mi naa go tek it iizi pan unu. Evribadi we du rang a-go get ponish. A dat mi did tel unu wen mi de de an nou iivn duo mi de faar fram unu, mi a tel unu agen.

2 Korintiyan 10:11

Mek enibadi we se dat andastan dis, wa wi se iina di leta dem we wi rait unu wen wi no de de, a di siem ting wi a-go du wen wi de de wid unu.

2 Korintiyan 10:1

Som piipl se mi saaf wen mi de de mongks unu bot gwaan laik mi rof wen mi de faar. Bot mi, Paal, mi a beg unu, iina Jiizas niem, Jiizas we kain an jengkl,

1 Korintiyan 5:12

Kaaz wa bizniz mi av a joj piipl we no biliiv iina Gad? A no di piipl we biliiv iina Gad wi fi joj?