1 Korintiyan 4:9 - Di Jamiekan Nyuu Testiment

⁹ Kaaz it komiin laik se Gad put wi, im apasl dem, iina di luowis pozishan, laik se wi a som man we get sen fi go ded. Kaaz di worl, di ienjel dem — evribadi tek wi fi papi shuo.

1 Korintiyan 4:9 ပူးပေါင်းရင်းမြစ်များ

Aks 19:29

Di uol siti did rail op. So dem grab Gaiyos an Ieristaakos, di man fram Masiduoniya we did a chravl wid Paal, an staat jrag dem go a di plies iina di siti we piipl aalwiez gyada op wen sitn speshal a apm.

Aks 19:31

Aal som a Paal fren dem we di bilang tu di gruup a ruula dem we inchaaj a di siti sen wan mesij tu im an beg im no fi go de.

Ruoman 8:36

It rait dong iina Gad wod se: “Kaaz wi bilang tu yu, piipl chrai fi kil wi aal di taim; dem chriit wi laik shiip we dem plan fi kil.”

1 Korintiyan 15:19

So ef wi kyan onggl chos Krais Jiizas fi siev wi iina da laif ya an no di neks wan, den muo dan enibadi els, a wi piipl shuda a sari fa.

2 Korintiyan 11:23

Dem a Krais Jiizas sorvant? (Mi a taak laik wan riil madman nou.) Mi a muor Krais sorvant dan dem. Mi wok aada dan dem. Mi get lak op iina prizn nof muor taim dan dem. Mi get nof muor biitn dan dem an a nof taim mi aalmuos ded.

2 Korintiyan 6:9

Som piipl no nuo wi bot som piipl nuo wi. Som piipl tingk wi a ded bot luk wi stil a liv. Dem ponish wi an mek wi sofa bot wi no ded.

1 Tesaluoniyan 3:3

so dem sofarieshan ya kyaahn shiek op non a unu. Kaaz unu siem wan nuo se a dat Gad plan fi wi.

Iibruu 1:14

Aal a di ienjel dem, no spirit dem — spirit we Gad sen fi go sorv di piipl dem we a-go get siev? No so?

Iibruu 10:33

Som a di taim dem, dem did biit unu op an chriit unu bad infronta evribadi; wen a no dat gwaan, a jain unu jain op wid di piipl dem we dem chriit so, an tan saida dem iina fi dem chraiyal an chibilieshan.

Iibruu 11:36

So a dat apm tu som a dem kaaz dem chos iina Gad, bot yu av som ada wan — dem laaf aafa dem an tek wip biit dem. Som aal get tai op wid chien an lak op iina prizn tu.