1 Korintiyan 4:2 - Di Jamiekan Nyuu Testiment

² Nou ef yu a wan sorvant, di onggl sitn yu maasta waahn, a fi yu du wa im gi yu fi du, an fi yu du it gud tu.

1 Korintiyan 4:2 ပူးပေါင်းရင်းမြစ်များ

Matyu 25:21

“Im maasta se, ‘Yu du gud mi sorvant! Yu a wan gud sorvant an mi kyan chos yu. Yu tek gud kier a wan likl sitn, so mi a-go mek yu tek chaaj a biga tingz! Kom kom nyam fuud an daans an praans wid mi.’

Matyu 25:23

“Di maasta se tu im se, ‘Yu du gud mi sorvant! Yu a wan gud sorvant an mi kyan chos yu. Yu tek gud kier a wan likl sitn, so mi a-go mek yu tek chaaj a biga tingz! Kom kom nyam fuud an daans an praans wid mi.’

Luuk 12:42

Di Laad ansa im se, “Uu a di manija we di maasta kyan chos an dipen pan? A dat de wan im a-go put inchaaj a im sorvant dem, fi gi dem fi dem shier a di fuud wen di rait taim kom.

1 Korintiyan 4:1

Dis a ou unu fi tingk bout wi we a tiich unu: unu fi luk pan wi an si se wi a jos Krais Jiizas sorvant dem an di wan dem we de ya fi tel unu bout aal a di sitn dem we unu no nuo bout Gad.

1 Korintiyan 4:17

A so mek mi a sen Timoti tu unu, Timoti we mi lov an we komiin laik mi pikni kaaz di tuu a wi biliiv iina di siem Gad. Mi a sen im fi elp unu memba aal a di sitn dem we mi did tiich unu bout Krais Jiizas. A di siem sitn mi a tiich aal bout iina aal a di choch dem.

1 Korintiyan 4:3

So yu si mi, mi no bizniz wid wa piipl av fi se bout mi. It no mata tu mi ef unu ar di piipl we de a kuot waahn joj di wok we mi du. Mi no iivn joj miself.

1 Korintiyan 7:25

Nou fi di piipl dem we neva av seks wid nobadi yet, Gad neva gi mi no ruul fi unu. Bot Gad gud an kain tu mi an im elp mi so moch dat unu kyan chos wa mi bout fi tel unu.

2 Korintiyan 2:17

Wi no komiin laik nof ada piipl we chriit Gad wod laik a sopm chiip we dem kyan sel an mek moni. Nuo! Gad sen wi fi tiich im Wod an chuu wi a Jiizas sorvant dem wi aalwiez tiich di chuut laik se Gad did tan op rait infronta wi.

2 Korintiyan 4:2

Wi no av notn fi du wid di bad sitn dem we piipl aid an du, an we bring dong shiem pan dem. Wi no chrai fi chrik nobadi an wi no ad ar chienj op notn we de iina Gad wod. Gad a wi witnis se wi onggl tiich di chuut an so piipl nuo se dem kyan chos wi.

Koloshan 1:7

Dis a di sed sitn unu lorn fram wi breda Epafras. Wi lov im. Im sorv Krais Jiizas, jos laik wi, an im wok gud tu. Im wok fi Jiizas no mata wa, an wen im du dat im elp wi.

Koloshan 4:17

Tel Aakipos dis fi mi, “Mek shuor se yu don di wok we di Laad gi yu fi du, kaaz a im ya'a wok fa.”

Koloshan 4:7

Taikikos, a wi gud gud breda. Im eva a chos iina Gad. Wi lov im. Im a wok fi di Laad jos laik wi. Im wi tel unu aal a wa a apm tu mi.