1 Korintiyan 4:19 - Di Jamiekan Nyuu Testiment

¹⁹ Bot mi a-go kom de suun, ef dat a wa di Laad waahn mi fi du. Mi a-go kom de an mi wi fain out fi miself no jos wa dem buosi piipl a se, bot mi a-go fain out a wa kain-a powa dem av.

1 Korintiyan 4:19 ပူးပေါင်းရင်းမြစ်များ

Aks 18:21

So im tel dem ba-bai an se, “Ef Gad waahn mi fi kom bak tu unu agen, mi wi kom bak.” Den im go pan wan ship an lef fram Efisos,

Aks 19:21

Afta aal a dem sitn ya apm, Paal mek op im main fi go op a Jeruusilem, so im chravl chuu Masiduoniya an Akaiya. An im se, “Afta mi spen som taim op de, mi afi go a Ruom fi a likl wail.”

Iibruu 6:3

An a dem sitn de wi plan fi muuv paas, ef a dat Gad waahn.

2 Korintiyan 1:23

Nou ef wa mi bout fi tel unu a lai, mek Gad ponish mi: a fi fi unu uona gud mek mi neva kom baka Korint. Mi neva kom bak kaaz mi neva waahn unu fi sofa.

1 Korintiyan 11:34

Ef sumadi onggri mek dem nyam a dem yaad, so dat wen unu gyada tugeda unu no bring dong jojment pan unuself. Wen mi kom, mi wi gi unu som muor ruul bout som ada tingz we mi waahn unu fi fala.

1 Korintiyan 4:18

Nou som a unu staat get buosi kaaz unu tingk se mi naa go kom si unu.

1 Korintiyan 2:6

Nou iivn duo mi no yuuz no big fansi wod, di piipl dem we biliiv iina Gad nof nof, dem tingk se di mesij we mi priich waiz. It no waiz kaaz a sopm we som sumaat piipl tingk op. An it no waiz kaaz di ruula dem we de bout nou an we a-go luuz dem powa an ded, tingk se it waiz.

Ruoman 15:32

So prie bout dem sitn de so dat mi kyan kom luk fi unu, ef dat a wa Gad waahn, an dat wen mi kom mi aat wi api an mi kyan get som res wail mi dong de wid unu.

Jiemz 4:15

So a no so unu fi taak. Unu fi se, “Ef di Laad waahn wi fi du dis, ar ef di Laad waahn wi fi du dat, den wi wi liv an du dis, ar du dat.”

1 Korintiyan 16:5

Mi a-go go chuu Masiduoniya, so afta mi go chuu de-so, mi wi kom luk fi unu.

1 Korintiyan 14:5

Nou mi waahn aal a unu fi kyan taak iina tongz bot muo dan dat mi waahn unu fi kyan kyari mesij fram Gad kom tel di piipl dem. Kaaz di wan dem we kyari mesij fram Gad muo impuotant dan di wan dem we taak iina tongz, ef wen dem taak iina tongz dem kyaahn tel wi wa it miin.

Aks 20:2

Afta im paas chuu da ieriya de an taak tu di biliiva dem an elp dem tan op chrang iina wa dem biliiv, im riich a Griis,

1 Korintiyan 4:6

Breda an sista, unu mait-a tingk se aal a di sitn dem we mi se onggl a taak bout mi an Apalos bot it a taak bout unu tu. Mi did a yuuz mi an Apalos laif fi shuo unu an mek unu andastan se unu no fi du eniting els bot we rait dong iina Gad wod. Kaaz ef unu fala wa rait dong, unu wi no buos bout wan tiicha an iet di ada wan.

1 Korintiyan 16:7

Kaaz mi no jos waahn paas chuu, mi waahn fi stie wid unu likl. So ef Gad wi lou mi, a dat mi wi du.

2 Korintiyan 10:9

An mi no waahn it luk laik se mi a chrai fi fraitn unu wid mi leta dem.