1 Korintiyan 4:15 - Di Jamiekan Nyuu Testiment

¹⁵ Kaaz iivn duo unu mait-a av ten touzn tiicha fi elp unu liv ou Gad waahn unu fi liv, a no aal a dem a-go komiin laik wan faada tu unu. Bot mi a unu faada kaaz a mi fos bring di Gud Nyuuz kom gi unu an elp unu fi biliiv.

1 Korintiyan 4:15 ပူးပေါင်းရင်းမြစ်များ

Gyalieshan 4:19

Mi pikni we mi lov, jos laik ou mada go chuu nof pien wen dem a av biebi — a siem so mi a fiil pien fi unu. An mi naa go tap fiil pien til unu an Jiizas a wan, an unu staat fi biyiev laik im.

1 Korintiyan 3:10

Mek mi put it wan neda wie. Gad gud an kain tu mi, so im mek mi wan a im ed bilda dem. A mi go iin go bil di foundieshan we sumadi els a-go bil pan. Nou aal a wi afi wach ou wi a bil.

1 Korintiyan 9:23

Mi du aal a dat fi elp pred di Gud Nyuuz bout Jiizas, an so dat mi wi get di gud sitn dem we Gad pramis fi gi im piipl.

1 Korintiyan 9:14

A siem so di Laad se dat di wan dem we go roun an tiich di Gud Nyuuz fi get wa dem niid fi liv fram di piipl dem we dem a tiich.

1 Piita 1:23

Unu fi du dis, kaaz nou, unu no jos baan fram unu mada an faada we kyan ded, bot da taim ya unu baan fram Gad — an da siid ya kyaahn ded. Unu baan fram Gad siek-a im wod we alaiv fi chuu, an we a-go liv fi eva an eva.

Jiemz 1:18

Gad mek op im main fi gi wi nyuu laif, so im sen wi di chuu mesij, so wi kuda komiin laik di fos set a fuud fram di fiil fi im.

Failiiman 1:19

Mi, Paal we a rait da leta ya miself, wi pie yu bak. An mi nuo se mi no afi memba yu se yu uo mi, kaaz a mi elp yu fi biliiv iina Krais.

Taitos 1:4

Taitos chuu mi an yu biliiv iina Jiizas, it komiin laik se yu a fi mi pikni. Mi prie se Faada Gad an wi Laad Jiizas wi shuo yu lov iivn duo wi no dizorv it. Mi prie se dem wi gi yu piis.

2 Timoti 4:3

Kaaz wan taim a-go kom wen piipl naa go put op wid ar lisn tu wa Gad piipl a tiich. Insted-a dat, fi mek demself api, dem a-go luk fi di tiicha dem we wi tel dem wa dem waahn fi ier, kaaz dem lov ier nyuu sitn.

1 Korintiyan 9:18

So den a wa mi a-go get pie? Fi mi pie a dat mi kyan priich di Gud Nyuuz bout Jiizas an no chaaj nobadi. Da wie de mi kyan priich an no aks unu fi sopuot mi iivn duo mi av di rait fi aks unu.

1 Korintiyan 9:12

Ef unu av ada piipl we unu afi sopuot, unu no tingk se unu shuda waahn sopuot wi muor dan dem? Bot iivn duo wi kuda tel unu fi sopuot wi, wi no aks unu fi notn. Wi go chuu evri an eniting so dat wi no tap nobadi fram biliiv di Gud Nyuuz bout Jiizas Krais.

1 Korintiyan 3:6

Luk pan it da wie ya, ef unu a did wan plaant, a mi wuda did plaant di siid. Apalos a di wan we did waata unu bot a Gad mek unu gruo.

Ruoman 15:20

Wa mi did aalwiez waahn fi du a fi go priich di Gud Nyuuz bout Krais Jiizas wich paat nobadi neva go priich yet. Da wie de mi wudn a bil pan di wok we sumadi els di staat fi du,

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

1 Korintiyan 3:8

Nou di wan we plaant an di wan we waata, di tuu a dem a wok tugeda kaaz dem waahn di siem sitn fi apm. An di tuu a dem a-go get pie bies pan we dem du.

1 Korintiyan 9:16

Mi kyaahn buos bout di fak se mi a priich di Gud Nyuuz kaaz a Gad aada mi fi du dat. An ef mi no priich di Gud Nyuuz, Gad wuda ponish mi.

1 Korintiyan 15:1

Nou mi breda an sista mi waahn fi elp unu memba di mesij bout Jiizas Krais we mi did priich tu unu. A da sed mesij de we unu a kip iina unu aat an we evriting we unu biliiv bies pan.

2 Korintiyan 4:5

A dat mek wi no priich bout wiself bot wi priich an tel unu se Jiizas Krais a Laad. Wi, wi a onggl unu sorvant, kaaz a dat im sen wi fi du.

Gyalieshan 3:24

So di Laa did a gyaad wi til Krais Jiizas kom. It did a elp wi fi liv rait so dat wen Jiizas kom wi kuda mek tingz rait wid Gad, ef wi biliiv iina im.

Gyalieshan 3:25

Bot nou a taim wen wi kyan chos iina Jiizas an get siev, so wi no afi fala di Laa no muor — di taim fi it ruul uova wi don.