1 Korintiyan 4:12 - Di Jamiekan Nyuu Testiment

¹² Wi tek wi uona an dem an wok aad aad. Wen piipl kos wi an se aal kain-a sopm bout wi, aal wi du a bles dem. Wen piipl mek wi a sofa, wi no gi op wi jos gwaan uol chrang.

1 Korintiyan 4:12 ပူးပေါင်းရင်းမြစ်များ

Matyu 5:11

Gad bles unu wen piipl shiem unu, wen dem mek unu sofa an wen dem se aal kain-a wikid sitn bout unu we no chuu — bot se it jos kaaz unu fala mi.

Matyu 5:44

Bot dis a wa mi a se, lov unu enimi dem an prie fi di piipl dem we chriit unu bad an mek unu sofa.

Luuk 23:34

Jiizas se, “Faada Gad paadn dem, dem no nuo wa dem a du.” Den dem chuo dais fi shier op Jiizas kluoz.

Luuk 6:28

Enibadi we kos unu, bles dem, an prie fi di wan dem we no diil wid unu gud.

Jan 15:20

Memba we mi did tel unu se, ‘No sorvant no biga dan im maasta.’ Ef dem mek mi sofa den dem mos a-go mek unu sofa tu. Ef dem du wa mi tiich dem fi du, dem a-go du wa unu tiich dem fi du tu.

Aks 18:3

an kaaz im an dem du di siem kain-a wok, im tan wid dem an wok wid dem (fi dem wok a did fi mek tent).

Aks 20:34

Unu wel nuo se wid mi uona tuu an dem mi tek kier a aal we mi did niid, an aal we di piipl we wok wid mi did niid tu.

Aks 7:60

Den im jrap pan im nii an kaal out, “Laad, no uol da sin ya gens dem.” Afta im se dat im ded.

Ruoman 12:14

Di piipl we a kaaz unu fi sofa, unu mos prie an aks Gad fi bles dem; aalwiez aks Gad fi bles piipl, no prie an aks im fi du notn bad tu dem.

Ruoman 12:20

Bot, “Ef yu enimi onggri, gi im sopm fi iit; ef im waahn sopm fi jringk, gi im sopm fi jringk. Wen yu du dat, a laik yu a pail op at kuol pan im ed.”

Ruoman 8:35

So den wa kyan mek Krais Jiizas tap lov wi? Ef chobl tek wi an pien lik wi, ef wi naa no fuud, no kluoz, notn, ef wi sofa siek-a wa wi biliiv, ef piipl chretn wi ar iivn ef dem kil wi, unu tingk se dat miin Krais Jiizas tap lov wi?

1 Korintiyan 9:6

Ar a mi an Baanabas a di onggl apasl dem we afi wok so dem kyan av moni fi liv?

2 Korintiyan 11:8

A laik se mi did a tiif di ada choch dem, kaaz mi did tek moni fram dem so dat mi kuda kom elp unu.

Ifiijan 4:28

Aal uu did a tiif mos tap tiif. Wa dem fi du a wok aad fi wa dem waahn. Da wie de, dem wi av inof fi shier wid piipl we no av notn.

1 Tesaluoniyan 2:9

Breda an sista, wi shuor se unu memba ou aad wi did afi wok. Wi wok die an nait so wi neehn afi presha nobadi ar bordn unu dong wen wi did kom priich tu unu di Gud Nyuuz we kom fram Gad.

2 Tesaluoniyan 3:8

Wi neehn tek nobadi fuud an nyam it ef wi neehn pie fa. Nuo, wi wok aad, die an nait so wi no afi presha an bordn dong nobadi.

1 Timoti 4:10

Wi put wi chos iina di Gad we kyaahn ded an we siev evribadi, speshali di wan dem we biliiv iina im. Gad pramis fi mek wi liv fi eva ef wi chos iina im an a so mek wi afi chogl an wok aad.

1 Piita 2:23

Wen piipl tel im at-wod im neva tel dem bak non. An wen dem mek im sofa, im neva chretn fi du dem bak notn. Aal im du a gwaan put im chos iina Gad we joj evribadi bies pan wa dem du.

1 Piita 3:14

Bot aal ef dem mek unu sofa kaaz unu a du wa rait — a bles unu bles! No fried a notn, an no wori unuself.

1 Piita 3:9

Wen sumadi du unu sopm, unu no fi du dem bak notn. An wen dem kos unu out, no bada kos dem aaf; insted-a dat unu fi aks Gad fi bles dem kaaz Gad kaal unu fi bles unu.

1 Piita 4:19

So wa mi riili a chrai se a dis: aal uu a sofa kaaz a dat Gad waahn fi dem, dem fi jos gwaan du wa rait. Da wie de, dem a gi Gad aal a dem laif an suol. Yes, a dat dem a gi Gad — di wan we mek dem. Di wan we naa go ton im bak pan dem. An di wan we kip wat-eva pramis im mek tu dem.

Juud 1:9

Bot no iivn Maikal, Gad ed ienjel, wen im an di devl did a aagyu bout Muoziz badi, im neva brait inof fi kos out di devl an kaal dong jojment pan im. Im jos tel im se, “Gad a-go put yu iina yu plies.”