1 Korintiyan 4:11 - Di Jamiekan Nyuu Testiment

¹¹ Aal nou wi onggri an wi chuot jrai. Fi wi kluoz komiin laik piis a uol tier op klaat, piipl chriit wi bad bad an wi no av no we fi liv.

1 Korintiyan 4:11 ပူးပေါင်းရင်းမြစ်များ

Matyu 8:20

Jiizas se tu im se, “Faks av uol, an di bod dem av nes, bot di Man we Gad Pik no av no we fi pudong im ed.”

Aks 14:19

Den som Juu kom fram Antiyak an Aikoniyom an win uova di kroud. Dem get dem fi stuon Paal an wen dem tingk se im ded, dem jrag im badi go fling it outa di siti.

Aks 16:23

Afta dem don biit dem bad bad, dem put dem iina prizn an gi aada fi di waadn lak dem dong tait tait fi mek shuor se dem kyaahn get we.

Aks 23:2

Wen im se dat, Ananaiyas, di liida fi di priis dem, aada di man dem we did tan op de fi baks Paal pan im mout.

Ruoman 8:35

So den wa kyan mek Krais Jiizas tap lov wi? Ef chobl tek wi an pien lik wi, ef wi naa no fuud, no kluoz, notn, ef wi sofa siek-a wa wi biliiv, ef piipl chretn wi ar iivn ef dem kil wi, unu tingk se dat miin Krais Jiizas tap lov wi?

1 Korintiyan 9:4

Unu no tingk se wi av di rait fi get fuud an jringks fi di wok we wi du?

2 Korintiyan 11:20

Unu put op wid piipl wen dem kom an chrai tek unu an ton unu iina sliev. Unu put op wid dem wen dem yuuz unu, unu put op wid dem wen dem tek advaantij a unu. Wen dem put unu dong an gwaan laik dem beta dan unu, wen dem baks unu iina unu fies, unu put op wid dem.

2 Korintiyan 4:8

Evri wich wie wi ton chobl lik wi bot no mata wa wi fies, it naa go kyan tap wi. Iivn wen wi no nuo wa fi du, wi naa gi op.

Filipiyan 4:12

Mi nuo ou it fiil fi no av notn an mi nuo ou it fiil fi av nof. Mi lorn ou fi satisfai iina evriting no mata wa apm, weda mi onggri ar mi beli ful, weda mi av nof ar mi no av notn.

2 Timoti 3:11

Yu nuo bout aal a di sitn dem mi did afi go chuu an ou mi did sofa iina Antiyak, Aikoniyom an Lischra. Mi go chuu aal a dem sitn de an Gad bring mi chuu di uol a dem.