1 Korintiyan 3:15 - Di Jamiekan Nyuu Testiment

¹⁵ Bot ef di faiya bon op wa dem bil, Gad naa go pie dem. Dem naa go ded bot evriting els we dem av a-go bon op iina di faiya.

1 Korintiyan 3:15 ပူးပေါင်းရင်းမြစ်များ

2 Jan 1:8

Wach unuself an mek shuor se unu no luuz wa wi wok so aad fa, so wi kyan get wi ful pie.

Juud 1:23

Di wan dem we iina di faiya, grab dem out an siev dem; an yu av som ada piipl we unu fi tek piti pan, bot wach unuself wid dem, an av rispek fi Gad siem wie, an iet dong tu di kluoz we dem sin mes op.

Revilieshan 3:18

Dis a wa mi tingk unu shuda du, bai guol fram mi, guol we bon iina faiya fi get out aal wa no fi iina it. Ef unu bai da guol de, unu wuda riili get rich. Bai wait kluoz fram mi so unu kyan kova op unuself. Da wie de unu na'afi shiem kaaz unu na'av aan no kluoz. An bai yai jrap fram mi tu fi jrap iina unu yai dem so unu kyan si.

1 Piita 4:18

An jos laik unu si iina Gad wod, “Ef Gad piipl we im a-go siev afi go chuu so moch chraiyal an chibilieshan, den a wa a-go apm tu di wikid piipl dem we no bizniz bout Gad an di sina dem?”

Aks 27:21

Nof a di man dem neva fiil fi notn fi iit, so Paal tan op mongks dem an se tu dem se, “Unu shuda did lisn tu mi man wen mi did tel unu se wi neva did fi lef outa Kriit. Kaaz ef unu did lisn, wi neva wuda sofa so an luuz so moch.

Aks 27:44

an di wan dem we kyaahn swim fi eng aan pan piis a plangk ar eniting we brok aafa di ship an fluot go a shuor. An a so aal a dem riich lan sief.