1 Korintiyan 3:14 - Di Jamiekan Nyuu Testiment

¹⁴ Ef di faiya no bon op wa dem bil pan di foundieshan, Gad a-go pie dem fi di wok we dem du.

1 Korintiyan 3:14 ပူးပေါင်းရင်းမြစ်များ

1 Korintiyan 3:8

Nou di wan we plaant an di wan we waata, di tuu a dem a wok tugeda kaaz dem waahn di siem sitn fi apm. An di tuu a dem a-go get pie bies pan we dem du.

1 Korintiyan 4:5

So no bada joj nobadi til di taim rait. Wiet til di Laad kom. Aal a di rang sitn dem we piipl du an chrai fi aid, im wi mek evribadi nuo bout dem an im wi shuo wa riili de iina piipl aat. An den Gad wi big op di wan dem we du di wok we im gi dem an we du it gud.

1 Piita 5:4

An wen di Ed Shepad kom bak, unu wi get wan shaini kroun we naa go fied out.

1 Piita 5:1

Mi a taak tu di elda dem ya nou. Mi a elda laik unu, mi a wan we si fi miself ou Krais Jiizas did sofa tu, an mi tel piipl bout dis, an mi a-go daans an praans wid im wen im kom bak wid aal a di powa we evribadi a-go si. So mi a beg unu du,

1 Tesaluoniyan 2:19

Mi did waahn kom luk fi unu. Kaaz aftaraal, a uu mek wi kyan luk faawod fi di die wen wi Laad kom bak, kaaz wi nuo fi shuor se unu a-go gwaan biliiv iina im. An a uu mek wi api so? Ar uu mek wi a-go kyan buos infronta im wen im kom bak, buos laik se wi win medal? iihn? No unu!

2 Timoti 4:7

Mi wok aad fi Gad; mi fait fi wa mi biliiv iina. Mi priich Gad wod an du aal a wa Gad tel mi fi du; mi ron da ries ya til it don an no gi op. Mi a-go sorv im til mi ded.

1 Korintiyan 9:17

Kaaz ef mi miself, chuuz fi priich di Gud Nyuuz, Gad wi pie mi. Bot ef a no chuuz mi chuuz fi du it, den aal mi a du, a du di wok we Gad gi mi an chos mi fi du.

Gyalieshan 6:4

Evribadi mos luk iina demself an si ef wa dem a du rait. Unu no fi luk pan nobadi fi si ef unu rait, unu mos onggl luk pan unuself. An den ef wa unu a du rait, unu kyan api wid unuself