1 Korintiyan 2:5 - Di Jamiekan Nyuu Testiment

⁵ Mi priich da wie de so dat unu wudn biliiv jos kaaz piipl tingk se wa mi se waiz, bot kaaz unu si Gad powa fi unuself.

1 Korintiyan 2:5 ပူးပေါင်းရင်းမြစ်များ

Aks 16:14

Yu did av wan uman mongks dem fram Taiyataira niem Lidiya we yuus tu sel som dier porpl klaat. Shi did lov Gad so moch dat shi aalwiez a du di sitn dem we shi nuo Gad waahn ar fi du. Di Laad toch ar aat mek shi andastan an biliiv wa Paal did a se.

1 Korintiyan 1:17

Kaaz a riili priich Krais Jiizas sen mi fi priich, no fi baptaiz piipl. An wen mi priich di Gud Nyuuz bout Jiizas mi neva yuuz no fansi wod fi chrai get unu fi biliiv, kaaz mi wudn waahn aal a wa Krais Jiizas du fi wi pan di kraas fi luuz powa.

1 Korintiyan 3:6

Luk pan it da wie ya, ef unu a did wan plaant, a mi wuda did plaant di siid. Apalos a di wan we did waata unu bot a Gad mek unu gruo.

2 Korintiyan 12:9

Bot im tel mi se, “Mi wi gud tu yu, an dat a aal yu a-go eva niid, kaaz wen yu wiik, a da taim de yu wi riili si fi mi powa.” So mi api fi buos bout di sitn dem we mek mi wiik. Mi wi buos bout dem so dat Krais Jiizas powa wi kova mi an protek mi.

2 Korintiyan 4:7

Iivn duo wi a laik som pat we mek outa klie an we iizi fi mash op, Gad mek wi andastan di Gud Nyuuz bout Jiizas an gi wi di powa fi tiich piipl, dat a laik wan chrezha. Im du it da wie de so dat evribadi wuda nuo se a no wi av di powa, bot a im riili av aal a di powa.

2 Korintiyan 6:7

Wi onggl tiich di chuut an Gad powa a wok iina wi. An siem laik ou suoja yuuz di wepan iina dem lef an fi protek demself an di wan iina dem rait an fi fait di piipl dem we a kom gens dem a siem so di gud we wi du wi fait an protek wi fram evriting we wuda kom gens wi.